ФАКТОР НА ДЕНОТ: Фон Дер Лајен сака да ја види Македонија во ЕУ, но дел од европските дипломати имаат поинаков став

Во Скопје денеска полициски службеници го приведоа И.М., кој во 10.32 часот во СВР Скопје телефонски пријавил дека при посетата на претседателката на ЕК Урсула Фон Дер Лајен ќе биде активирана експлозивна направа пред зградата на Владата, потврдуваат од MВР. 

Преземени се потребните мерки и активности и утврдено е дека пријавата е лажна. Лицето е приведено и задржано во полициска станивца по насоки на јавен обвинител, за натамошна постапка. Лажната пријава не влијае на посетата на претседателката на ЕК и активностите продолжуваат по планираната агенда.

ДИПЛОМАТИ ВЕЛАТ ДЕКА ЕУ НЕ МОЖЕ ДА ГАРАНТИРА ЕВРОПСКА ИДНИНА ЗА БАЛКАНОТ

Европската Унија (ЕУ) повеќе не гарантира европска иднина за Балканот. 

Поради страв од можни политички реакции во земјите – членки, ЕУ повеќе не може да се согласи дека гарантира за идно членство на шестте балкански земји, а меѓу нив и Македонија, пишува „Ројтерс“, и се повикува на четворица дипломати и еден документ.

На претстојниот самит закажан за 6 октомври, ЕУ планира во изјавата да наведе дека Унијата ја реафирмира својата „недвосмислена поддршка за европската перспектива за Западен Балкан“. Сепак, земјите членки и по две рунди разговори, сѐ уште не постигнале согласност за оваа формулација.

ДЕНЕС НАД 460 ЗАРАЗЕНИ СО КОВИД

Министерството за здравство информира, согласно податоците од Институтот за јавно здравје дека во последните 24 часа:

Направени се 3.512 тестирања, а регистрирани се 467 нови случаи на КОВИД-19:

Скопје – 245, Куманово – 47, Велес – 27, Прилеп – 21, Кавадарци – 17, Кичево – 13, Кочани – 12, Битола – 11, Крива Паланка – 9, Охрид  - 8, Тетово и Струмица – по 6, Штип, Радовиш и Валандово – по 5, Кратово и Крушево – по 4, Гостивар, Гевгелија и Демир Хисар – по 3, Неготино, Делчево, Пробиштип и Македонски Брод – по 2, Струга, Свети Николе, Берово, Богданци и Македонска Каменица – по 1.

Регистрирани сe 496 оздравени пациенти од: Скопје – 269, Куманово – 51, Струмица – 23, Велес – 21, Прилеп – 20, Битола и Тетово - по 15, Штип – 14, Кавадарци и Кичево – по 11, Радовиш, Гостивар и Свети Николе – по 6, Крива Паланка, Гевгелија и Виница – по 4, Пробиштип и Ресен – по 3, Кочани и Делчево – по 2, Охрид , Валандово, Неготино, Македонски Брод, Македонска Каменица и Дојран – по 1.

Во текот на изминатите 24 часа починале 14 лица: 5 починати лица од Скопје (73г, 72г, 70г, 61г и 57г), по 2 починати лица од Тетово (88г и 72г) и Кратово (73г и 66г), по едно починато лице од  Демир Капија (69г), Прилеп (90г), Радовиш (55г) и Штип (74г).

Сите пријавени лица се починати во болнички услови.

ФРЧКОСКИ Е ПРЕДЛОЖЕН ЗА АМБАСАДОР ВО ОН

Претседателот на Собранието, Талат Џафери, денеска потврди дека во законодавниот дом е пристигнат предлог од Министерството за надворешни работи за професорот Љубомир Фрчкоски да биде амбасадор на Македонија во Обединетите нации во САД.

- За Љубомир Фрчкоски доставен е предлог од МНР, истите се доставени до Комисијата за надворешни работи, но засега не е свикана седницата, рече денеска Џафери пред новинарите.

ЧИТАЈТЕ УШТЕ

Берачите на јаболка од соседна Албанија без ПЦР тест ќе можат да влезат во земјава на граничниот премин Стење.

Поставувам принципи на отворено работење. Сите граѓани ќе може да присуствуваат на седниците на општината што ќе бидат отворени за јавноста. И не само тоа туку ќе се снимаат и пренесуваат. Нема што да криеме. Се ќе биде јавно и транспарентно, вели Сашо Стојановски, кандидат за градоначалник на општина Сопиште од СДСМ и Коалицијата.

Она што веќе е сосема извесно, е дека од први октомври недела нема да стане неработен ден, како што вети Владата. Измените на Законот за работни односи не успеаја да поминат на пленарна седница во Собранието до последниот рок, а тоа беше петок минатата недела, бидејќи од вчера официјално стартуваше кампањата за локалните избори.

Тендерот број еден за овој месец го доби НИКОБ како единствен понудувач на СОЗР за период од 3 години. Државната Пошта за одржување хигиена ќе плаќа две години по 360.000 евра годишно, а Министерството за одбрана во градежна офанзива за реновирање во касарна „Илинден“ ќе плати 1,3 милиони евра

Само една рата им платиле на „Бетон“ фондацијата Св. Цар Константин и Македонската православа црква (МПЦ) за црквата која недоградена стои во центарот на Скопје и до ден денешен упорно тврделе дека немаат пари за да ја платат, дознава Фактор.