ФАКТОР НА ДЕНОТ: Koвид сертификатот по прележана болест ќе трае 6 месеци, и мора да се зголеми вакцинацијата со бустер доза

Добивај вести на Viber

КОВИД СЕРТИФИКАТОТ ПО ПРЕЛЕЖАНА БОЛЕСТ ЌЕ ВАЖИ 6 МЕСЕЦИ

Наместо досегашните 45 дена, ковид сертификатот по прележана болест сега ќе важи 180 дена, нова препорака на Комисијата за заразни болести, за која информираше портпаролот, д-р Злате мехмедовиќ.  Од Комисијата сметаат дека нема никаква логика и оправданост да се укинуваат сертификатите, пред се, како што рече, д-р Мехмедовиќ заради тоа што опфатот на вакцинација во земјава е околу 40 проценти, и во ниту еден момент не може да се споредуваме со држави како Данска или како Велика Британија.

Има промени во однос на тоа кои лица се сметаат за целосно вакцинирани, потенцираше на денешната прес-конференција на Комисијата за заразни болести, д-р Марија Димзова од Клиниката за инфективни болести и член на ова советодавно тело. Нагласи дека целосно вакцинирани ссе само оние лица кои примиле три дози од вакцината против ковид-19, односно две, а потоа и бустер.

ДЕНЕС ИМА НАД 1.700 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

Направени се 4.939 тестови, а регистрирани се 1.722 нови случаи на КОВИД-19:

Скопје – 1.011, Кавадарци – 85, Куманово и  Битола – по 83, Прилеп – 51, Тетово и Велес – по 50, Гостивар – 37, Валандово – 30, Охрид и Кичево – по 26, Радовиш – 22, Гевгелија – 21, Струмица – 20, Неготино – 19, Струга – 17, Кочани – 13, Делчево и Богданци – по 12, Крива Паланка – 11, Ресен – 9, Штип – 5, Свети Николе – 4, Берово, Дебар, Виница, Кратово, Демир Хисар и Пехчево – по 3, Дојран – 2, Пробиштип, Крушево, Македонски Брод, Македонска Каменица и Демир Капија – по 1.

СПИРО РИСТОВСКИ ИЗЛЕГУВА ОД КУЌЕН ПРИТВОР

Поранешниот министер Спиро Ристовски, осуден на шест години и три месеци затвор од Кривичниот суд Скопје, за случајот „Организатори на 27 април”, излегува од куќен притвор. 

СТАВОВИ ЗА ЗГОЛЕМЕНАТА МИНИМАЛНА ПЛАТА

Дарко Димовски, претседателот на Сојузот на синдикати на Македонија, во „Студио 10“ на 24 Вести рече дека газдите ќе се соочат со кривични пријави доколку од 1 март не исплаќаат зголемена минимална плата од 18.000 денари. За тоа однапред ќе бидат писмено известени од гранковите синдикати.

Димитар Апасиев, лидерот на Левица, тврди дека вчера немаше да има договор за зголемување на минималната плата доколку двајцата пратеници на оваа партија не го поднесеа предлог-законот во Собрание закажан за дневен ред в четврток.

ЧИТАЈТЕ УШТЕ

Дали Русија врти на исток? Ако се гледа текот на рускиот плин веројатно да. „Газпром“ гледано според продаденото количество ја заменува Германија, најголемиот европски потрошувач, со Кина... 

Владата преку оглас ќе бира директор на Царинската управа, една од клучните институции во земјава, која ги наплаќа царините и акцизите, и контролира и се обидува да спречи царински прекршоци, шверц и други кривични дела.

Одложувањето на стартот на второто полугодие не придонесе за спречување на ширењето на корона вирусот во училиштата. Напротив, на почетокот на оваа недела, голем дел од родителите веќе пријавуваат дека нивните деца се позитивни на Ковид-19 или имаат симптоми и чекаат тестирања. 

Сѐ почесто во полициските билтени читаме за Кубанци кои нелегално влегуваат во Македонија. Кубанeц со шпански корени кој наскоро ќе ја напушти земјата, во разговор за Фактор вели дека сиромаштијата и корупцијата ги принудуваат да заминуваат во Европа.

Минчо Јорданов планира да ја продава деловно административната зграда на „Бетон“ компанијата со која раководи, а за тоа веќе е закажано вонредно акционерско собрание.