ФАКТОР НА ДЕНОТ: Maкедонија донира тенкови за Украина, МНР пак чека детали за оштетените македонски автомобили во Грција

Добивај вести на Viber

MAКЕДОНИЈА ДОНИРА ТЕНКОВИ ЗА УКРАИНА

Министерството за одбрана потврди дека снимките кои денеска се појавија на социјалните мрежи, на кои се гледа транспорт на тенкови, се автентични и дека се работи за тенкови кои Македонија ги испраќа како донација за Украина.

Од МО за „360 степени“ посочуваат дека се работи за тенкови кои се дел од тенковскиот баталјон на Армијата за кој е планирано да биде расформиран. Од МО велат дека станува збор за „трета генерација тенкови кои со развојот на технологијата за неколку години би биле неконкурентни и некомпатибилни со нашите побарувања за снабдување со западна платформа”.

МНР ЧЕКА ДЕТАЛИ ЗА ОШТЕТЕНИТЕ АВТОМОБИЛИ ВО ГРЦИЈА

Maкедонското Министерство за надворешни работи(МНР) добило потврда за оштетените автомобили во Грција, и очекува детали по што соодветно ќе реагира. 

Од МНР за „Локално“ информираат дека по добиените наводи за инцидентите со оштетените возила во Република Грција, Амбасадата на Северна Македонија во Атина и Генералниот конзулат во Солун веднаш стапиле во контакт со надлежните институции и органи. 

„Нашите дипломатски конзуларни претставништва во Грција се во очекување на официјалнo известување, вклучувајќи и детали за случајот, по што Министерството ќе процени за соодветна реакција“, велат од МНР.

КОВАЧЕВСКИ НАЈАВИ ДЕКА Е МОЖНО ЗИМАВА ДА НЕМА ДОВОЛНО СТРУЈА

Премиерот Димитар Ковачевски одговарајќи на пратенички прашања денеска во Собранието рече дека земјата ќе се соочи со предизвик да набави мазут за производство на електрична енергија за време на следната зима.

- Веќе има недостаток на мазут на европскиот пазар, особено во јужна Европа како што таков проблем има Слвенија. Не чека незивесна зима за снабдување со гас, кој е потребен во индустријата и за затоплување, рече Ковачевски.

ЧИТАЈТЕ УШТЕ

Иселувањето, односно напуштањето на руралните средини, ниските откупни цени на производите добиени од фарма, зголемените трошоци и други причини придонесуваат за континуиран пад на бројот на говеда во земјава, а со тоа и на намалување на произведеното месо во нашата земја.

Според јавно достапни податоци од катастарската евиденција „Макошпед“ продал објекти и градежно изградено земјиште со функција на царински терминал во битолското село Буково. Станува збор за два имотни листа со објекти и градежно изградено земјиште во областа „Мулојца“

Пензиско-инвалидскиот фонд во својот извештај за работата за 2021 објави дека лани поради високата смртност кај пензионираните лице во земјата, кај солидарниот фонд недостигале 2,3 милиони евра за да се исплатат сите погреби.

Ќе има нови вработувања во Народна банка на Македонија. Првата монетарна куќа објави иглас за прием на шест извршители. Тие на почетокот, односно за време на пробната работа, ќе земаат само половина плата, додека да ги усовршат работните обврски.

Не сите украински бегалци кои допатуваа во Македонија се запознаени кои права можат да ги искористат. Тие најмногу се засегнати за егзистенцијалните прашања, иако се свесни дека Македонија како сиромашна земја не може многу да им понуди.