ФАКТОР НА ДЕНОТ: Љупчо Коцевски поднесе неотповиклива оставка

Добивај вести на Viber

КОЦЕВСКИ ПОДНЕСЕ НЕОТПОВИКЛИВА ОСТАВКА

Државниот јавен обвинител Љупчо Коцевски денеска соопшти дека поднел неотповиклива оставка на функцијата.

Коцевски на прес-конференцијата во ЈОРМС, го оцени како политичка одлука предлогот за негово разрешување што треба да се разгледува на денешната собраниска седница.

МВР ОТВОРА ШАЛТЕР ЗА „БЕЗБЕДЕН ГРАД“

Министерството за внатрешни работи(МВР) ги известува граѓаните дека од утре (17.12.2025), на посебен шалтер во Одделот за граѓански работи, во зградата на МТВ (приземје) во Скопје, кој ќе работи секој работен ден во периодот од 08:00 до 17:00 часот ќе можат да поднесат барање за промена на контакт-податоците кои ги доставиле при регистрација на возилата, доколку има настаната промена или во случај да имаат добиено известување со неточни податоци.

СДСМ ИЗБРА НОВИ ПОТПРЕТСЕДАТЕЛИ

На седницата на Централниот одбор СДСМ го избра новото раководство на партијата. Јована Тренчевска и Александар Трајановски се избрани за потпретседатели на СДСМ, како предлози на претседателот Венко Филипче.

ЌЕ ИМА ВОНРЕДЕН ИНСПЕКЦИСКИ НАДЗОР ЗА СМРТТА НА НОВОРОДЕНЧЕТО

Вонреден инспекциски надзор до Државниот санитарен и здравствен инспекторат, а потоа и стручен надзор иницирал министерот за здравство Азир Алиу во врска со починатото новороденче на Клиниката за гинекологија и акушерство.

- Министерството за здравство во врска со случајот со починатото новороденче на Клиниката за гинекологија и акушерство најпрво изразува сочувство до родителите. Со цел утврдување на околностите и расветлување на случајот, министерот  Азир Алиу иницираше вонреден инспекциски надзор до Државниот санитарен и здравствен инспекторат, по што ќе следи и стручен надзор. 

ЧИТАЈТЕ УШТЕ

Возачот кој е под дејство на опојни дроги и психотропни супстанци не смее да управува со возилото во сообраќајот на пат, ниту да започне да управува со возило. Ќе смета дека е под дејство на опојни дроги или психотропни супстанци, лицето за кое со анализа на крвта или на крвта и урината или со друг метод за мерење ќе се утврди присуство на овие средства во неговиот организам.

Министерството за финансии на „Бехтел и Енка“, изведувачот на автопатите од Коридор 8 и Коридор 10Д, ќе му исплати уште екстра 15 милиони евра до крајот на годината како вишок на средства кои останале непотрошени а првично во буџетот биле предвидени за други намени. 

Лани 1.002 мажи од Македонија склучиле бракови во странство. Најголем дел од нив се венчале во европските земји и тоа во Швајцарија, Германија, Србија. 

Додека на македонските гранични премини чекаат „илјадници“ мигранти да ја „преплават“ оваа недопрена земја, што легални што нелегални, власта и дел од опозицијата водат битка преку собраниски резолуции за одбрана на домот.