ФАКТОР НА ДЕНОТ: Mицкоски кажа дека нема да брзаат со мерки против инфлацијата

Добивај вести на Viber

ПРЕМИЕРОТ ВЕЛИ ДЕКА НЕМА ДА БРЗААТ СО МЕРКИ ПРОТИВ ИНФЛАЦИЈАТА

Премиерот Христијан Мицкоски не го менува ставот дека нема да се оди со брзи мерки за справување со инфлацијата, иако како партија се свесни дека ќе платат политичка цена за тоа.

„Откако го лоциравме проблемот каде е, свесни сме дека можеби ќе има политичка цена, но подобро на краток рок да ја платиме таа политичка цена, отколку граѓаните да ја платат на долг рок“, рече Мицкоски.

ПОЖАРИТЕ НЕ СТИВНУВААТ ВО МАКЕДОНИЈА

Борбата со пожарот во ловиштето Јасен продолжува. Од земја дејствуваат припадници на специјалните единици на Армијата и Полицијата заедно со екипи на ЈП Јасен. Од воздух дејствуваат еден ер трактор на ДЗС и еден полициски хеликоптер.

Една линија на пожарот која се протегаше исклучително стрмно над асфалтираниот пат кој низ ловиштето Јасен води од Скопје кон езерото Козјак, е успешно изгасната од страна на армиските Волци со што е спасена поголема површина зимзелена шума.

АРСОВСКА РЕАГИРА ОТКАКО СЕ ЗАПАЛИ КУЌА ВО ЧАИР

Градоначалничката на Скопје,Данела Арсовска, излезе со реакција во јавноста, откако пред четири дена беше објавено дека куќа во Чаир се запалила од кабел преку кој се крадел струја.

„Нека одморат од МВР и Обвинителство, една ко ниедна што ако се запалила, оние 159 небезбедни згради што крадат струја и вода ќе почекаат. Сега е жешко да се бркаат криминалци не се работи во лето, па ќе биде врнежливо, па ќе дојде зима. Ако не се вика Висар и брат да им е ќе одговара. Апсете наставнички во Демир Хисар, мора да се сузбие криминалот. Циркуз“, напиша Арсовска на социјалните мрежи.

ЧИТАЈТЕ УШТЕ

Откако во регионалните медиуми се појавија информации дека рачните изработки се продаваат и по цена од 1.000 евра во Хрватска, проверивме колку чинат истите во земјава.