ФАКТОР НА ДЕНОТ: Нема докази за бегство на Зеќири, но постои сомнеж

Добивај вести на Viber

ЗЕЌИРИ СИ ПОДНЕСЕ ОСТАВКА, БЕШЕ И НА РАСПИТ

Мухамед Зекири, генерален секретар во Владата  си даде попладнево оставка од функцијата.

„Почитуван претседател на Владата на Република Северна Македонија, г-дин Димитар Ковачевски

Низ мојот работен век секогаш сум го одбирал вистинскиот пат, патот на чесноста, праведноста и вистината. На овие мои животни вредности сакам да останам доследен.

Затоа, како човек со личен интегритет, ја поднесувам мојата неотповиклива оставка од функцијата Генерален секретар на Владата на Република Северна Македонија.

Верувам во институциите на системот, верувам во правичноста и праведноста и верувам дека вистината ќе излезе на виделина. На сите институции им стојам на располагање во секое време, за да ја докажам мојата невиност.

Почитуван претседателе, Ви благодарам на укажаната можност да бидам дел од Вашиот владин состав и Ви благодарам што верувате во мојата заложба и посветеност во работата, стои во неговото обраќање на фејсбук.

ДЕНИС ТОТ ПОЧИНА НА КАРИЛ

Хрватскиот ракометар Денис Тот почина на Клиниката за анестезија, реанимација и интензивно лекување, каде од синоќа бил сместен во критична состојба. Информацијата ја потврди и ГРК Охрид, ракометниот клуб кој на својата страница на Фејсбук се збогува од 27-годишниот Тот. Тој претходно играл за нив.

МОЖЕН Е БРЗ ПРИЕМ НА УКРАИНА ВО ЕУ

Брисел ѝ нуди на Украина можен брз прием во ЕУ. 

Претседателката на ЕК Урсула Фон Дер Лајен, при денешната посета на Украина, на претседателот Володимир Зеленски му го предаде прашалникот, што претставува еден чекор пред кандидатски статус на земјата.

Фон Дер Лајен изјави дека комисијата ќе направи се што може за да ѝ помогне на Украина за пополнувањето на прашалникот да бидат потребни недели, а не години, покрај тоа што процесот е веќе забрзан, во споредба со досегашното искуство на другите земји кои добија кандидатски статус, а подоцна и станаа членки на ЕУ.

Фон Дер Лајен ја посети и Буча каде се есхумираат телата на загинатите цивили од масовните гробници.

ЧИТАЈТЕ УШТЕ

Македонското јагне и оваа година заврши на италијанскиот, бугарскиот, грчкиот пазар, но сточарите не се задоволни од цената.

Иако од март годинава официјалната минимална плата во земјава изнесува 18 илјади денари, за јавната администрација се уште осамнуваат огласи во кои се бараат луѓе кои ќе земаат многу пониски од таа плата.

Душко Тодевски повеќе не е стечаен управник на Еуростандард банка, а на негово место е назначен Маринко Саздовски. Промената веќе е впишана во Централниот регистар, а ја донел Основниот граѓански суд од Скопје кој постапил од барање за разрешување. Одлуката е донесена на 5 април годинава, а според тоа, Тодевски во рок од три дена требало да му ја предаде на Саздовски целокупната документација на должникот и документацијата после отворањето на стечјаната постапка на должникот.