ФАКТОР НА ДЕНОТ: По половина век МПЦ и СПЦ си подадоа рака

Добивај вести на Viber

СЕ НОРМАЛИЗИРААТ ОДНОСИТЕ МЕЃУ МПЦ И СПЦ

Архиепископот охридски и македонски Стефан на денешата заедничка литургија на помирување со српскиот патријарх Порфириј во Белград и се заблагодари на Српската православна црква за брзата реакција и за, како што рече, едномислието со вселенскиот патријарх Вартоломеј.

– Му благодариме на Бога што, еве, се исполни времето, па наидовме на братољубиво разбирање и кај Неговата Светост, патријархот г. Порфириј, заедно со членовите на Соборот на Српската православна црква, кои, само по неколку дена од донесениот акт на Синодот на Вселенската патријаршија, раководен од Неговата сесветост патријархот г.г. Вартоломеј и во истиот тој дух, донесоа одлука за воспоставување на евхаристиско и канонско единство помеѓу нашите помесни Цркви, рече во својот говор владиката.

КОВАЧЕВСКИ НЕГИРА ДЕКА НЕГОВАТА СОПРУГА Е БУГАРКА 

Мојата сопруга е родена во Крива Паланка, не можам да коментирам за нејзините предци, вели премиерот Димитар Ковачевски. 

ЖРТВИ ВО УКРАИНА

Нови жртви во Украина. Најмалку 12 загинати и 40 ранети има во руското гранатирање на Северодоњецк. 

Погодени се станбени згради и билансот може да биде поголем. 

„Русите изутрината почнаа да пукаат со тешко оружје кон регионалниот центар, а гранатирањето продолжува“, напиша Сергеј Гајдар на Телеграм.

ЧИТАЈТЕ УШТЕ

Македонските работници во странство во 2021 како дознаки испратиле 344,45 милиони евра, од кои 19,92 милиони биле одлив, покажуваат обработените податоци од Народна банка кои ни се испратени за минатата година.

И покрај високата и волатилна цена на природниот гас, домашниот голем приватен производител на струја ТЕ-ТО лани продаде струја за 132 милиони евра. Од тоа профит се повеќе од 20 милиони евра.

Првите објавени финансиски извештаи на еден од мега ланците ги урниса акциите на сите конкуренти, а тоа го потопи барометарот S&P 500, а по принципот „добрите вести се шират брзо, а лошите побрзо“ ова се одрази и на другите големи берзански индекси

Македонија како земја надвор од ЕУ и со речиси нула присуство на глобалната политичка сцена како да е заглавена во вечниот двоен политички спектакл, ВМРО против СДСМ и протнување или блокирање на етничките права на Албанците, односно само тие две големи политички прашања, канализирани низ огромното партиско членство, најмногу може да ја скандализираат јавната дебата. 

Просечно околу 60 отсто од водата за пиење во земјава не е опфатена во водоснабдителите системи, што укажува дека и понатаму голем дел од овој ресурс останува неискористен.