ФАКТОР НА ДЕНОТ: Пожар изби на Дрисла

Добивај вести на Viber

ПОЖАР НА ДРИСЛА

Постојат сомненија дека пожарот во депонијата Дрисла е предизвикан намерно, информира попладнево директорот на Дирекцијата за заштита и спасување(ДЗС), Стојанче Ангелов. Тој вели дека летово имавме рекордно високи температури, но Дрисла не се самозапали.

ВЕПАОСКА ВЕЛИ ДЕКА ВЕЌЕ НЕМА НИ СИЛА, НИ ЗДРАВЈЕ ПО ОДЛОЖЕНОТО РОЧИШТЕ

Во Основниот суд во Струга денеска повторно беше одложено судското рочиште на кое требаше да биде презентиран извештајот од супервештачењето за случајот со родилката Јилдз Веапоска од Дебар, поради барање на одбраната на првообвинетиот, за изземање на судечкиот судија.

ЗАПАЛЕН АВТОМОБИЛОТ НА ГАЛЕТАНОВСКИ

Непознато лице го запалило автомобилот на претседателот на скопската организација на СДСМ и поранешен директор на скопската Зоолошка градина, Ѓорги Галетановски - Чомбе.

Опожарениот автомобил бил пријавен ноќеска, околу 3 часот по полноќ, а бил паркиран во Кисела Вода, пред зградата во која живее Галетановски.

ВМРО-ДПМНЕ ОБВИНУВА ЗА РЕКЕТ 2

Во јавноста излезе нов скандал за криминалното владеење на СДС и ДУИ, а судско обвинителскиот систем го крие и заташкува, обвинува ВМРО-ДПМНЕ.

„Судството со доверба на ниво на статистичка грешка од 2% продолжува да тоне, а Љупчо Коцевски на чело на ОЈО продолжува верно да им служи и да ги штити криминалците кои го изгласаа, СДС и ДУИ. Информациите говорат дека постои Рекет 2 и дека Основното јавното обвинителство отворило предистражна постапка, но тука застанал целиот процес и предметот се ставил во фиока. Во случајот биле опфатени поранешната претседателка на СЈО Катица Јанева и други тројца активни обвинители, кои се обиделе да рекетираат познат бизнисмен“, стои во соопштението на ВМРО-ДПМНЕ.

ЧИТАЈТЕ УШТЕ

Предлогот на опозициска СДСМ за поддршка на винопроизводителите во форма на измена на законот за Вино е веќе во Собранието. Како што најави лидерот на пратијата, се предлагаат измени на законот, во кој е посочено дека во постоечкиот закон е уредено дека има можност за намалување од 8 отсто на откупната цена на винското грозје кога се исплаќа во рок од 7 дена по откупот на грозјето.

Учениците бараат дополнителни часови по странски јазици и математика. Цените на часовите се од 600 денари па нагоре. Приватни часови најчесто бараат децата кои покажале слаби резултати на училиште, но и оние кои се особено талентирани и се спремаат за натпревари.

Браќата Антон и Васил Миса, едни од најпознатите бизнисмени од Струга и сопственици на малопродажниот ланец маркети „Миса“, по неколку децении ќе го возобновуваат кампот „Треска“ во Радожда пред границата со Албанија, инаку некогаш една од најголемите туристички атракции во земјата.

Со големи психолошки и здравствени последици се соочува пет члено семејство, откако пожарот во скопското село Раштак им го пеплоса тоа што го создавале 12 години со свој труд и пот,. 

фото: ЦУК/Вибер група