ФАКТОР НА ДЕНОТ: Пратениците ги усвоија измените на Кривичниот законик и покрај многуте критики

Добивај вести на Viber

ВО СОБРАНИЕ ПОМИНАА ИЗМЕНИТЕ НА КРИВИЧНИОТ ЗАКОНИК

Со 48 гласа за, 36 против, и еден воздржан, Собранието вечерва ги донесе измените на Кривичниот законик. Со Измените на кривичнот законк по скратена постапка, се намалуваат затворските казни за кривичното дело злоупотреба на службената положба и овластувања. Денеска помина и во двете собраниски комисии, без амандмани од опозицијата.

ИМА ЕДЕН МАКЕДОНСКИ ДРЖАВЈАНИН НА ВОЛОС

Според информациите од Амбасадата во Атина, заклучно со денеска еден наш државјанин се наоѓа во градот Волос, на безбедно место, во локален хотел.

Министерството за надворешни работи (МНР) апелира сите наши државјани да ги избегнуваат загрозените подрачја од невремето во Грција и да останат на сигурно до евентуална евакуација. 

ПОЛИЦИЈАТА ГО ПРОНАЈДЕ ЛИЦЕТО КОЕ ВЕЕШЕ ЗНАМЕ НА ГОЛЕМА АЛБАНИЈА

МВР соопшти дека е пронајдено лицето кое вееше знаме на  „Голема Албанија“ во Тетово при дочекот на косовскиот премиер Албин Курти од страна на тетовскиот градоначалник Билал Касами и дека ќе следува кривична пријава за сторителот. Станува збор за извесен А.М.(21) од Германија.

„Одделот за криминалистичка полиција- Сектор за општ и насилен криминал во содејство со СВР Тетово го расчисти кривично- правниот настан кој се случи на 11.08.2023 на плоштадот во Тетово, при посетата на косовскиот премиер Албин Курти, кога беше развиорено знаме на т.н. „Голема Албанија“, со што е сторено кривично дело по чл.319 од КЗ. По преземени оперативно тактички мерки, утврден е идентитетот на лицето кое го сторило кривичното дело- А.М.(21), кој е германски државјанин. Во координација со ОЈО Тетово, против лицето ќе биде поднесена кривична пријава по член 319 од КЗ до надлежното обвинителство за натамошно постапување“, соопшти МВР.

ОБВИНИТЕЛСТВОТО ПОВИКУВА ЛУЃЕ НА РАСПИТ ЗА ОНКОЛОГИЈА

Основното јавно обвинителство Скопје информира дека заедно со  Министерството за внатрешни работи се превземаат мерки за проверка на наводите изнесени за работењето на Универзитетската клиника за радиотерапија и онкологија, но дека во оваа фаза не може да изнесе детали во јавноста.

ЧИТАЈТЕ УШТЕ

Поради истек на мандатот на сегашниот директор на Оперативно-техничката агенција (ОТА), до Собранието, како надлежно за нејзиното работење, е доставен предлог за објава на нов оглас на кој ќе се бараат кандидати за нов „шеф“ на ОТА.

Владимир Бахчовановски ќе управува со ексклузивниот ноќен клуб „Мош“ на улица Дебарца во центарот на Скопје, преку новорегистрирана подружница. Порано тој беше директор на ЈП за стопанисување со станбен и деловен простор, на ЈП Македонски шуми, како и на Државната видеолотарија.

Иако поситни промени во акционерската структура на „Реплек“ се случуваа континуирано, завчерашниот ден беше навистина бурен од тој аспект.

Фармацевтската компанија „Реплек“, како што и се очекуваше, се огласи околу неодамнешните две блок трансакции со нејзините акции, во кои вкупно беа истргувани 7,4 проценти од акциите, за вкупна сума од 2,12 милиони евра.

Како што има мобинг во земјава, истото може да им се случи и на работниците кои заминуваат да работат во странство.