ФАКТОР НА ДЕНОТ: Пратениците ја изгласаа интерпелацијата за Љупчо Коцевски
Објавено во: Македонија 29 Јули, 2025 22:30
ВО СОБРАНИЕТО ПОМИНА ИНТЕРПЕЛАЦИЈАТА НА ЈАВНИОТ ОБВИНИТЕЛ КОЦЕВСКИ
Со 71 глас „за“, пратениците ја поддржаа интерпелацијата за државниот јавен обвинител Љупчо Коцевски.
Интерпелацијата ја поднесоа пратениците од Левица, а по гласањето, беше донесен заклучок со кој се констатира дека наводите во интерпелацијата се основани.
ПРОНАЈДЕНО Е ТЕЛОТО НА ДЕВОЈЧЕТО КОЕ ПОТОНА ВО ВАРДАР КАЈ УЛАНЦИПронајдено e телото на 16-годишното девојче во Вардар.
По шест дена потрага, денеска околу пладне во водите на Вардар е пронајдено телото на 16 годишната Теодора Б.
Од полицијата потврдуваат дека околу 12:10 часот во Вардар во близина на Старо Градско пронајдено е телото на малолетничката.
„Пронајдено е телото на 16-годишното девојче кое на 24 јули 2025 година, исчезна во реката Вардар во атар на село во општина Градско. Увид бил извршен, а по наредба на јавен обвинител телото било дадено на обдукција“, потврдуваат од МВР.КОНСТАТИРАНА Е ОСТАВКАТА НА ДИМИТРОВСКА ОД ДКСК
Собранието ја констатираше оставката на претседателката на Државната комисија за спречување на корупција, Татјана Димитровска, која се повлече од челната позиција на 25 јули, а под притисок на јавноста, откако Обвинителството за гонење организиран криминал и поднесе обвинение за две кривични дела и тоа за оддавање службена тајна на поранешниот директор на ТЕЦ Неготино Небојша Стојановиќ, обвинет во „Адитив“, и за компјутерски фалсификат затоа што ревизор од ДЗР во нејзино име и го положил тестот за сертификат за државна тајна.
По констатираната оставка, течат роковите од десет дена, во кои треба да заседава Комисијата за прашања на изборите и именувања и да донесе одлука за распишување на јавен оглас за избор на претседател и нов член на Антикорупциската комисија. Сепак, се очекува Комисијата да биде свикана во среда или четврток, кога ќе биде распишан и огласот.АРСОВСКА СВЕДОЧЕШЕ ЗА ИНЦИДЕНТОТ ВО ЧАИР
Во Основниот кривичен суд во Скопје продолжи постапката против Сулејман Јамалари, обвинет за грубо насилство врз градоначалничката на Скопје, Данела Арсовска. Откако обвинетиот се изјасни дека не се чувствува виновен, започна доказната постапка со сведочењето на оштетената, која ја опиша атмосферата на настанот како агресивна и опасна.
Арсовска пред судот посочи дека на местото на инцидентот се чувствувала загрозено, несигурно и исплашено – не само за себе, туку и за присутните. Таа детално ги опиша заканите што ги добивала, кои продолжиле и откако обвинетиот бил задржан од полицијата.ЧИТАЈТЕ УШТЕ
За да ги заштитат своите насади од град и од УВ зрачењето, земјоделците сѐ почесто купуваат заштитни мрежи. Велат дека тие навистина се корисни, но производителите на храна се изложуваат на дополнителни трошоци кои во минатото ги немале.Основачот на најголемиот продавач и сервис на Apple во Македонија, Трајче Симоновски од Штип, го продаде својот удел од 20 отсто во „Ај Стаил“ на истоимениот партнер IStyle Кипар Лимитед во Македонија. Својот дел од сопствеништвото го отстапил во текот на минатиот месец.
Можеби ќе ве интересира
ФАКТОР НА ДЕНОТ: Полицијата го уапси Бујар Дардишта, поранешен директор на Управата за водење на матични книги
Тошковски објасни во кои случаи полицијата ќе одзема возило
Toшковски откри кога „Безбеден град“ ќе се спроведе на целата територија на Македонија
Орце Ѓорѓиевски: Со едногласна одлука, реизбран сум за претседател на ЗЕЛС
ИЈЗ: Кога квалитетот на воздухот е лош – заштитете го вашето здравје!
СДСМ ИЗГУБИ НА СУД ОД МИЦКОСКИ: Апелација пресуди дека изнесувале невистини и клевети против него
ПОВЕЌЕТО ОД ОСУДЕНИТЕ ЗА 27 АПРИЛ, ДОБИЛЕ УСЛОВЕН ОТПУСТ: Издржале повеќе од две третини од казните
Европското знаење го применува дома: Милијана Богданоска праќа големи пораки преку еко начинот на живот
