ФАКТОР НА ДЕНОТ: Стигна модифициран француски предлог, Ковачевски најави консултации, Мицкоски повика да го објават веднаш

Добивај вести на Viber

МАКРОН СО НОВ ПРЕДЛОГ

Францускиот претседател, Емануел Макрон, на прес конференција што предмалку заврши изјави дека е најдено компромисно решение за спорот меѓу Бугарија и Северна Македонија.

„Продолживме да разговараме со Бугарија и Северна Македонија и постигнавме напредок во однос на европската клима. Француското претседателство направи голем напредок, во вторникот и средата навечер и имаше уште едно прашање меѓу Бугарија и Северна Македонија, и така со последните наши сили продолживме да разговараме со двете страни. И како што објави Европскиот совет на 23 и 24 јуни, продолживме да работиме на отворање на првото поглавје врз основа на досегашните дискусии. Можам да кажам дека е најден компромис, компромис кој ја зачувува чувствителноста на двете страни и верувам дека е прифатлив за сите. Во наредните денови и двете страни ќе го потврдат тоа. Бугарскиот претседател и премиерот веќе го поддржаа францускиот предлог и ќе има разговори во наредните денови во Скопје. Ова е важно за безбедноста, стабилноста и дека минатото може да се надмине“, рече Емануел Макрон, претседател на Франција.

КОВАЧЕВСКИ НАЈАВИ КОНСУЛТАЦИИ

Премиерот Димитар Ковачевски вечерва на прес - конференција изјави дека официјалните ставови ќе бидат соопштени откако францускиот предлог ќе ги помине сите филтри. 

Ќе има широка консултација, со партиите, граѓанските организации и експерти. Ковачевски повика сите политички актери да се воздржат од шпекулации.  Вети дека ќе бидат транспарентни. 

МИЦКОСКИ ВЕЛИ ДЕКА СЕ СМЕНЕТИ САМО ДВА ЗБОРА

Лидерот на ВМРО-ДПМНЕ, Христијан Мицкоски вечерва на прес - конференција изјави дека ако е добар францускиот предлог, Владата треба веднаш да го објави на веб страната. 

Тој вели дека Македонија преговара под бугарски диктат. Вели дека во новиот предлог се сменети само два збора. 

„Лага е на Владата дека не биле запознаени со предлогот, лага е и тоа што ова сега го претставуваат како голем успех, а не сме го виделе и прочитале“, рече Мицкоски. 

ЧИТАЈТЕ УШТЕ

За прв пат после подолг период, со кадар се зајакнува и Државниот завод за ревизија.

Туристички агенции добивале државна помош од буџетот за справување со економските последици од пандемијата без изготвени решенија од Генералниот секретаријат на Владата, утврди државниот ревизор во извештајот за негативните ефектите од Ковид-19 во туризмот како сектор.

Дека Македонците се успешни не само кога работат во домашни фирми во земјава, туку и во странски компании, говори уште една вест која доаѓа од Хрватска. 

Електродистрибуција лани имаше загуба од речиси 40 милиони евра затоа што мораше да купува струја по берзански цени. Регулаторот и одобри зголемување на тарифата од 20 отсто со алиби дека тоа што мора да го купи ќе го добие по багателна, а не по берзанска цена, од ЕСМ. 

Надлежните објавија дека годинава задолжувањето на земјата ќе надмине 60 отсто, или прагот кој се смета за еден вид граница која земјите во развој не треба да ја надминуваат. Според критериумите на Свеетска банка, земјите кои имаат јавен долг до 60 проценти од БДП се умерено задолжени, а кога ќе се надмине тој праг, земајта спаѓа во категоријата висока задолженост.

Безгрижната детска игра стана сериозна и тешка повреда на рбетниот столб на малото скопјанче, откако тешка метална врата од детското игралиште му паднала врз грбот. Мајката, Александра Живковска Савеска, која моментално заедно со својот син е на Интензивното одделение на Клиниката за детска хирургија проговори за неговата здравствена состојба и подетално раскажа за целиот инцидент.