ФАКТОР НА ДЕНОТ: Во Скопје се забранува фрлање ѓубре од 22 часот навечер до 6 часот наутро
Објавено во: Македонија 14 Ноември, 2025 22:23
ГРАД СКОПЈЕ ЗАБРАНУВА ФРЛАЊЕ СМЕТ ОД 22 ЧАСОТ ДО 6 НАУТРО
Советот на Град Скопје изгласа одлука за ноќна забрана за фрлање ѓубре.
Граѓаните нема да смеат да фрлаат смет во контејнерите од 22 до 6 часот. За непочитување ќе следи казна од 50 евра.
Со ваквата забрана велат дека контејнерите ќе се празнат поефикасно и немало да се создаваат депонии околу нив.
ЃОРЃИЕВСКИ СООПШТИ КАКВИ ПРОЕКТИ ЌЕ СЕ РЕАЛИЗИРААТ ВО СКОПЈЕ
Скопскиот градоначалник Орце Ѓорѓиевски информира дека советниците денеска го изгласаа ребалансот на буџетот.
Вели дека со еден глас против и еден воздржан, донесен е ребалансот на Буџетот на град Скопје - обезбедени се средства за булевари, паркови, зголемени капитални инвестиции.
„На денешната седница на Советот на Град Скопје, беше изгласан ребаланс за закрепнување на градот и јавните претпријатија, ребаланс кој ќе овозможи плати за вработените, но и со кој кратиме непродуктивни трошоци. Сакам да им се заблагодарам на сите советници за поддршката и конструктивноста. Почнуваме со консолидација. Овој ребаланс значи сериозна промена со кој буџетскиот дефицит го намалуваме за 928,5 милиони денари, а капиталните инвестиции ги зголемуваме за речиси 98,9 милиони. Тоа е јасна порака дека нема повеќе нерационални задолжувања, туку нови решенија и нови проекти. Јавниот превоз го решаваме без нови кредити и без да го ставаме градот на колена. Приватните превозници се враќаат и повторно ќе возат, повторно ќе служат на скопјани. Во тек е соработка со Министерството за транспорт за повторно оживување на Градскиот воз“, додава тој.КОЦЕВСКИ БАРА ПОВЕЌЕ ПАРИ ЗА ОБВИНИТЕЛСТВОТО
Републичкиот јавен обвинител, Љупчо Коцевски,во своето обраќање до пратениците во Собранието, коментирајќи го предлог-буџетот за 2026, рече дека Обвинителството повторно ќе нема пари за сите потреби, а во меѓувреме зголемени се трошоците за поскапените вештачења.
Како пример тој го наведе случајот со увезениот мазут од стотина милиони евра кој беше купен за потребите на ТЕЦ Неготино, за кој Обвинителството се сомнева во неговиот квалитет и отвори предмет.РАБОТНИЦИТЕ БАРААТ МИНИМАЛЕЦ ОД 600 ИЛИ 700 ЕВРА
Работниците во земјава сметаат дека минималната плата треба да се зголеми од 600 до 700 евра, покажува анкетата што ја спроведе Сојузот на синдикати на Македонија на 11 и 12 овој месец на репрезентативен примерок од 1.613 испитаници.
На прашањето „Колку треба да изнесува минималната плата“, од вкупниот број испитаници 45,2 проценти одговориле дека минималната плата треба да се зголеми на 600 евра, 42 проценти сметаат дека минималната плата треба да изнесува 700 евра, а 12,8 проценти дека таа треба да изнесува 500 евра.ЧИТАЈТЕ УШТЕ
Можеби ќе ве интересира
Одреден е притвор за Стафа, а Љупчо Пецов - Ѓаволот е лицето за кого се обидел да поткупи судија
Отворен граничниот премин Богородица по четири часа блокада
Филипче повторно повика пратениците да ја потпишат декларацијата на СДСМ за мигрантите
МАКЕДОНИЈА ИМА СИЛА ДА БИДЕ НОРМАЛНА ЗЕМЈА: Тошковски вели дека сме станале вистински Европјани
„ВИСТИНАТА Е ДЕКА МИНАТАТА ВЛАСТ ИЗРАБОТИЛА НАЦИОНАЛНА СТРАТЕГИЈА ЗА ПРИФАЌАЊЕ МИГРАНТИ 2017-2027“: Мицкоски за темата со мигрантите
Стафа примил мито од 50.000 евра за да влијае кај судија
СЕ ОГЛАСИ ДИМИТРИЕВСКИ ЗА МИГРАНТСКИТЕ КАМПОВИ: „ЗНАМ нема никогаш да даде поддршка“
Крај на опасната крстосница во Аеродром: Се поставува семафор на улицата Васко Карангелески
ТОШКОВСКИ ПОТВРДИ ДЕКА Е УАПСЕН ПОРАНЕШНИОТ ПРАВОБРАНИТЕЛ ФЕХМИ СТАФА: Повеќе детали најавува наскоро
