(ФОТО) Потресна церемонија со знамиња во чест на загинатите

Добивај вести на Viber

Роднините и пријателите на загинатите во најтешката авионска несреќа во Европа продолжуваат да пристигнуваат на местото на трагедијата во Јужните Алпи. Обединети од трагедијата, луѓе од различни националности подигнаа знамиња на земјите чиј државјани се загинати, соопштува Ројтерс. Како што соопштивме најмногу загинати има од Германија. Шпанците се втората најголема бројна група. Останатите идентификувани патници се државјани на Велика Британија, Холандија, Колумбија, Мексико, Јапонија, Данска, Белгија, Израел, Австралија, Аргентина, Иран, Венецуела и САД. Денес беше објавено дека загинати Американци има вкупно тројца. Информациите постојано се ажурираат. За тажната церемонија се собраа и полицајци, пожарникари, лекари и експерти кои се вклучени во истрагата. Продолжува претресување низ урнатините на паднатиот авион „Ербас“ А320. Дел од телата на жртвите се пронајдени и се превезуваат со хеликоптери од местото на несреќата. Во меѓувреме стана јасно дека полицијата ги претресла двата станови на вториот пилот Андреас Лубиц. Покрај домот на неговите родители во Монтабаур, претресен е и неговиот стан во Дизелдорф.