(ФОТО) Симбол на нова империја: Новата палата на Ердоган

Добивај вести на Viber

Пред неколку дена, Турскиот претседател Реџеп Таип Ердоган  се всели во новата палата „Ак Сарај“ или „Бела палата“. Првиот гост на палатата бил Папата Фрањо кој е всушност во посета на Турција.

„Ак Сарај“ е изграден на земјиште од 150.000 квадратни метри.

Грандиозната палата е поголема и од Версајскиот дворец, и од „Белата куќа“, па дури и од Кремљ.

Од 1000 простории, колку што има оваа зграда, дури 250 се“  резервирани за „приватни претседателски простории“.

Цената на изработката на „Белата палата“ достигна неверојатни пола милијарди евра!

Се проценува дека само месечната сметка за струја во палатата ќе изнесува околу 313.000 долари.

На сите обвинувања кои пристигнале по повод изградбата на оваа велелепна зграда на негова сметка, Ердоган кратко изјавил дека палатата не е за него туку дека таа е показател на „престижната Турска нација“. Дека палатата не е „градена“ за него покажува и податокот дека првобитно е планирано таа да биде резиденција на премиерот, но планот е променет токму во времето кога Ердоган ја заменил премиерската функција со претседателската.

Неколку стотици еколошки активисти денеска протестираа пред резиденцијата, бидејќи таа е изградена на најзачуваниот дел од шумата во Анкара, но полицијата брзо го завршила протестот.