(ФОТО-ВИДЕО) Втора ерупција на вулканот во Чиле, жителите раскажуваат страшни сведочења

Добивај вести на Viber

Втора ерупција на вулканот Калбуко во јужниот дел на Чиле ги покри со дебел слој вулканска пепел градовите и села кои се наоѓаат во негова близина .

Вчерашната прва ерупција на вулканот после 4 децении исфрли вулканска пепел на височина од над 6 километри во воздухот.

Втората неочекувана ерупција во регионот Лос Лагос ги засили стравувањата дека локалните извори на вода ќе бидат отруени, и ќе им донесе респираторни проблеми на локалните жители. Пепелта покри автомобили и куќи во градовите лоцирани во радиус од 29 километри од вулканот. Масовна евакуација во регионот продолжува.

[embed width="700" height="450" ]https://youtu.be/yPttv1LDLdw[/embed]

Во минатото ерупциите на вулканот Калбуко траеле околу една недела, соопшти вулканолог од Оксфорд, додавајќи дека не е можно да се предвиди кога вулканот ќе се разбуди. Калбуко е еден од најопасните 90 активни вулкани во Чиле. Сепак тој не бил под надзор, кога вчера еруптирала околу 18:00 часот по локално време. Вонредните служби биле изненадени и имале само неколку минути да објават тревога.

Локалните власти соопштија дека биле евакуирани околу 4.000 луѓе поради загадениот со гас и пепел воздух во реонот на вулканот, кој се наоѓа до градовите Порто Варас и Пуерто Монт.

[embed width="700" height="450" ]https://youtu.be/Ih3MLIszTCQ[/embed]

Професор Дејвид Гејл, кој ги проучува вулканите во Чиле, смета дека сегашната  ерупција на Калбуко е една од најсилните, како и исфрлениот во воздухот пепел може да го премине Тихиот Океан и да стигне до Австралија. Според него, сегашната ерупција е со сила "три од четири" во вулкански експлозивен индекс, што значи дека вулканот исфрлил во атмосферата десет милијарди кубни метри пепел.

30-годишен жител на Порто Варас раскажува дека жителите на Чиле се силно загрижени од штетните ефекти од ерупцијата по нивното здравје. "Се разбудив и имаше ќебе од магла која не се беше разчистена. Над нас имаше слој чад ", вели тој. "Луѓето беа во паника, додека пепелта се распространуваше. Слушнав силна бучава, како да има бомба околу мене", раскажува Мигел Диаз, кој живее во Пуерто Монт.

[embed width="700" height="450" ]https://youtu.be/iZB27ot3eHg[/embed]