ФРАНЦИЈА: Mоментално штедат 85 отсто од граѓаните

Добивај вести на Viber

Населението во Франција има навика да штеди.  Во извештајот се наведува дека во Франција моментално штедат 85 отсто од граѓаните кои генерално избегнуваат ризик и претпочитаат сигурни инвестиции, пренесува Фигаро. Најпопуларни меѓу Французите се регулираните штедни сметки, штедните влогови и животното осигурување, како и пензиските заштеди.

Французите сè уште се закоравени штедачи и покрај различните геополитички, социјални и здравствени кризи, покажа истражувањето на агенцијата Ifop.

Француските штедачи се придржуваат до логиката на минимален ризик, затоа што 69 отсто од испитаниците изјавиле дека претпочитаат низок ризик и принос, додека само 17 отсто изјавиле дека се подготвени за поризични инвестиции кои потенцијално носат високи приноси.

Во истражувањето, 75 отсто од Французите рекле дека вложуваат пари на заштеда барем еднаш на секои шест месеци, а дури 42 отсто рекле дека барем еднаш месечно ставаат пари настрана за заштеда.

Постарите повеќе штедат. Се покажало дека 45 отсто од младите луѓе во Франција на возраст меѓу 18 и 24 години изјавиле дека имаат неколку штедни производи во споредба со 64 отсто од оние над 65 години.