(ГАЛЕРИЈА) Протести, Гушкања, Собири – Што го одбележа денот?

Добивај вести на Viber

Денов кој полека е зад нас го „здрмаа“ два протести во главниот град и еден народен (партиски) Собир во Битола.

На протестите (еден пред Влада и еден пред МРТВ) се искажа револт и незадоволство поради две причини.

Едната е слушнатите навредливи зборови за Ромите „влечењето за уши на гласање“ кои ја разбудија оваа група граѓани чие кормило беше управувано денеска од лидерот на ПЦЕР  (Партијата за целосна еманципација на Ромите) Самка Ибраимовски.

Тој пред присутните граѓани преку микрофон („Ние сме сиромашна партија, ние не сме ВМРО затоа немаме стриминг) повика на оставка од премиерот Груевски и изјави:„Ние имаме образ, вие немате бел образ, вие сте од Белизе и лажете дека ќе ја зголемите социјалната помош“.

Од другата страна неколкудневниот протест го продолжи лидерот на Достоинство Стојанче Ангелов пред МРТВ.

Илјадници граѓани денес му се придружија и заедно со него се обидоа да изведат упад (но неуспешно) и да ја ослободат Националната телевизија од канџите на режимот како што милува да каже сам Стојанче , за која плаќаат сите граѓани а која не ги пренесува аудио снимките на опозицијата, образложувајќи дека добила забрана од Јавното обвинителство за нивно емитување.

Секоја вечер Ангелов пред МРТВ носи ЦД-иња со снимките кои бара да ги пуштат но, досега од Националниот сервис остануваат глуви на неговите барања.

Тој повика со љубов а не со насилство, ГРАЃАНКИТЕ да им ги „фрлат бомбите“ (мислеше на ЦД-њата) и да ги гушнат и бакнат полицајците кои за возврат со опрема (шлемови и се по ред на нив) ги пречекаа пред вратите на МРТВ и остро ги запреа при што дамите беа принудени да скандираат СЛОБОДА , СЛОБОДА , за на крај да се повлечат и упатат кон Собрание.

Законодавниот дом имаше чест пред него да биде испеана на цел глас “Море Сокол Пие“ со што масата на граѓани полека се разотиде од мирниот протест.

Додека низ главниот град СКОПЈЕ, ечеа аудио снимките, во градот на конзулите ечеше премиерот Груевски.

Караванот на собири кој е продолжение на овој од Скопје, денес продолжи од Битола.

На партискиот собир на владеачката гарнитура збор имаа пратеникот на ВМРО-ДПМНЕ Зоран Илиоски, а присутните граѓани во салата Младост можеа да го слушнат и Антонио Милошоски и секако на крај говорот на премиерот, кој со овации и аплаузи беше следен во текот на истиот.

Од Битола, премиерот ги истакнуваше сите досегашни успеси и достигнувања на оваа партија. Најави нови мерки за намалување на невработеноста, истакнувајќи ја како посебна новата мерка со која работодавачите кои ќе вработат поширока категорија на граѓани ќе бидат ослободени од плаќањето на персоналниот данок и социјалните придонеси. Објави така наречена Позитивна „бомба“ за намалување на невработеноста.

Со овие мерки премиерот очекува дрстично зголемување на бројот на вработени лица.

И порача дека сите политичари мора да ги почитуваат и уважуваат Уставот и законите на државата, бидејќи Република Македонија е суверена држава а не квислиншка творба како што ја нарече премиерот.

Но, секој со свое мислење и став. Едни за, едни против. Ваше е да одлучите кој пат во животот ќе го следите.

Но , во сето ова бидете реални и погледнете ги и едната и другата страна и проценете што е добро за иднината на оваа земја. Каде грешиме сите ниe во воспитувањето на истатата? И каде ќе не однесат ваквите поделби, омрази и препукувања меѓу самите нас граѓаните.

И.Р