НЕ СПОДЕЛУВАЈТЕ ЛИЧНИ ПОДАТОЦИ: Креиран е лажен профил со податоци на Венко Филипче

Објавено во: Македонија 15 Јануари, 2025
СДСМ oбјави дека е креиран лажен профил на нивниот лидер Венко Филипче на Фејсбук, и ги повикаа граѓаните да не наседнуваат.
Велат дека профилот е креиран со злоупотреба на името, податоците и фотографиите на претседателот Филипче.
„Од истиот лажен профил се шират несоодветни и лажни содржини, повици за членски книшки, повици за измислено здравствено осигурување, а граѓаните се насочуваат на приватни пораки. Ги повикуваме граѓаните и членовите да не наседнуваат и да не споделуваат никакви лични податоци кои можат да им бидат злоупотребени од страна на измамниците кои го креирале. Разликата помеѓу официјалниот профил на претседателот на СДСМ и лажниот може да се препознае најлесно преку синиот беџ за ферификација којшто постои само на официјалниот профил на д-р Венко Филипче“, додаваат од партијата.
Лажниот профил е веќе пријавен и очекуваат брза реакција за негово бришење. Институциите често алармираат граѓаните да не кликаат на секакви линкови и да не споделуваат лични податоци кои можат да бидат злоупотребени.
Можеби ќе ве интересира
Семејството на Фросина го предводеше протестот: „Валкани пари - смртни последици“

Мицкоски и Муцунски купија по некој совет од Папандреу во Минхен

Претепан полициски началник во дискотека во Кавадарци, две лица во притвор

Малолетен Косовец со „ауди“ прегази двајца тинејџери во Шуто Оризари

Струмичанец загина во сообраќајка со камион од Украина

ДУИ бара ослободување за Емин Бајрами: Косовски државјани патуваат несигурно во Македонија

Румен Радев: Не прифаќаме измени на актуелните договори со Северна Македонија
