(ГАЛЕРИЈА) Заев ја пречека Фон Дер Лајен, подоцна ќе имаат заеднички прес
Објавено во: Македонија 28 Септември, 2021
Шефицата на Европската комисија, Урсула Фон Дер Лајен пристигна во Скопје. Таа беше пречекана пред владата од премиерот Заев, а попладнево и двајцата ќе одржат заедничка прес-конференција.
Таа во земјава пристигна од Албанија, каде што рече дека нејзината порака е јасна оти иднината на Албанија е во ЕУ.
Во годишното обраќање за состојбата на Европската унија пред парламентот на ЕУ, таа ја повтори својата поддршка за интеграција на регионот во ЕУ, велејќи дека тоа е обврска за младите луѓе кои веруваат во европскиот сон. Според претседателката на ЕК, ЕУ и Западен Балкан секогаш ќе бидат посилни заедно.
фото Вангел Тануровски