Германија ги отвора границите – дозволи двојно државјанство!

Добивај вести на Viber

Долниот дом на германскиот Парламент ги усвои новите закони кои ги ублажуваат правилата за државјанство. Ова ќе им овозможи на Германците, кои имаат странско потекло, да поседуваат два пасоши - потег кој е од корист најмногу на многубројната турска заедница во земјата. Досега децата на имигранти од држави кои не се членки на Европската унија (ЕУ), мораше на 23-годишна возраст да одлучат дали сакаат германско државјанство, или ќе бидат граѓани на земјата на потекло на родителите. Неможноста да имаат двојно државјанство одамна ја дразне милионската турска заедница во Германија. Околу половина од турските имигранти во најголемата европска економија имаат германски пасоши. Со законодавните промени сепак се дава можност на младите луѓе да поседуваат два пасоши, ако докажат дека живееле во Германија во текот на најмалку осум години или учеле во земјата во текот на шест години и ги имаат положено потребните матурски испити. Турските лидери го критикуваа новиот закон, бидејќи тој се однесува само за млади и не ги опфаќа постарите луѓе, многу од кои имаат поминато децении во Германија. Предлог-законот за двојното државјанство беше еден од условите на левоцентристичката Социјалдемократска партија (SPD) за учество во владејачката коалиција на Ангела Меркел, потсетува весникот. Конзервативците истовремено се спротивставуваа на двојното државјанство, со образложение дека е невозможно луѓето да се лојални на две земји истовремено. Во Европската унија (ЕУ) нема општи правила во однос на двојното државјанство. Повеќето земји од ЕУ го дозволуваат, како Чешка, Данска, Естонија, Полска, Словачка, Литванија и Холандија имаат воведено некои ограничувања. K.K.