ГЕРМАНСКИОТ ПОЛИТИЧАР КАЈЗЕВЕТЕР – УДАР НА МОСКВА: „Зградата на Министерството за одбрана на Русија во Москва да биде цел на напади“
Објавено во: Свет 06 Март, 2024
Зградата на
руското Министерство за одбрана или зградата на руската разузнавачка служба во
центарот на Москва се легитимни цели кои треба да бидат нападнати, изјави
заменик-претседателот на надзорната комисија на германскиот парламент Родерих Кајзеветер
во емисијата на Маркус Ланц, пренесува Bild.de.
Според него, Украина треба да ја пренесе војната на територијата на Русија.
– На Украина треба да и се даде можност да ја префрли војната на руска територија – изјави Кајзеветер, истакнувајќи дека министерот за одбрана Борис Писториус веќе повикал на тоа во април 2023 година.
Како што нагласи, неопходно е да се нападне руското Министерство за одбрана или разузнавачката служба, истакнувајќи дека „апсолутно е јасно дека не се работи за цивилни цели и луѓе, туку за објаснување на руското население дека тие се агресорите“.
Имено, реакцијата на германскиот пратеник доаѓа во време на последниот дипломатски спор меѓу Москва и Берлин, по протекувањето на аудио снимка на германски воени офицери како разговараат за потенцијален напад на мостот на Крим.
ФОТО: EPA-EFE/HAYOUNG JEON