ГЕРОСКИ: Ковачевски ги издржа сите притисоци и покажа развиено чувство на политичка и историска одговорност

Добивај вести на Viber

Новинарот Бранко Героски во својата колумна на порталот Плус инфо излезе со сериозна критика за бугарскиот премиер во оставка, Кирил Петков, но и со пофални зборови за премиерот Димитар Ковачевски, кој, како што пишува, ги издржал сите притисоци и покажал развиено чувство за одговорност.

Пренесуваме дел од колумнаа на Геровски. 

Во македонскиот јазик – тој со чие постоење Бугарија никако не може да се помири – постои изразот „лек Петко“. Означува наивен и лекомислен човек. Можно е ист или сличен израз да постои и во бугарскиот јазик.

Начинот на кој сега паднатиот премиер Кирил Петков му држи лекции на македонскиот премиер Димитар Ковачевски укажува на една неверојатна наивност на човек којшто ја жртвуваше својата премиерска функција за едно големо – ништо.

...

Овој Кирил навистина да ти бил еден лек Петков!

Вистински храбра одлука, драг наш лек Петков, е таа што ја донесе македонскиот премиер Димитар Ковачевски, отфрлајќи го францускиот предлог.

Еве, вака зборува политичар со високо развиено чувство за сопствената политичка и историски одговорност. Го цитирам Ковачевски:

„Францускиот предлог каков што е во моментот е неприфатлив за мене, за претседателот на државата, за владата, за коалиционите партнери и за граѓаните на Република Северна Македонија. Мојот народ мора да се почитува. Доколку во текот на француското претседателство се постигне разбирање за нашите позиции, ние сме подготвени да се вклучиме во разговори. Сакам да ја искористам оваа прилика и да порачам дека граѓаните на Северна Македонија може да се спокојни. Ние секогаш ги имаме во прв план стратешките интереси и цели на државата. Никој не може без наша согласност да наметне какво било решение. Ние направивме сè, сега ЕУ е на потег.“

...

... Ковачевски одлучно застана на принципиелни позиции и ги отфрли софиските уцени спакувани во францускиот предлог.

Постапувајќи така и преземајќи многу поголем ризик од Кирил Петков, македонскиит премиер им одржа лекција на европските политичари за тоа што значи одговорно владеење на човек кој вели: „Мојот народ мора да се почитува“.

Повеќе детали во колумната на Героски