Ѓорѓиевски го обвини Мециновиќ дека првото вработување му било во партија, тој одговори со кои професии се занимавал

Добивај вести на Viber

Kaндидатот за градоначалник на Град Скопје од ВМРО-ДПМНЕ, Орце Ѓорѓиевски вечерва во дуелот на Канал 5 со противкандидатот од Левица, Амар Мециновиќ изјави дека на овие локални избори изненади слабиот одѕив на гласачи. 

Кажа дека досега немало толкава разлика од 60.000 гласови во корист на еден кандидат. 

И Мециновиќ кажа дека како човек кој е роден во 1996 година е изненаден. Вели дека луѓето се индиферентни и затоа излезноста е слаба. Верува дека многу граѓани ќе се охрабрат и ќе излезат во вториот круг да гласаат. 

Ѓорѓиевски објасни дека е дипломиран политиколог кој работел во приватен сектор, а имал и свој  бизнис. 

Мециновиќ кажа дека бил на политички студии, а студиите биле на пауза бидејќи морал да работи. Кажа дека работел во кол центри, како новинар, правел истражувања и слично. Мециновиќ објасни дека мајка му работела во Национални шуми. Кандидатот на Левица кажа дека е израснат со еден родител. 

Ѓорѓиевски пак тврдеше дека Мециновиќ првото вработување го имал во партија и дека лажно се претставува, нешто што Мециновиќ го негираше. 

„Сум работел на пумпа, сум работел во месара“, кажа Мециновиќ. 

Тој го обвини Ѓорѓиевски дека кариера направил во партијата.