Го победи коронавирусот на 99 години
Објавено во: Свет, Корона Вирус 22 Октомври, 2020
Во Шпанија 99-годишна жена го победила коронавирусот.
Кога 99-годишната Флорентина Мартин се заразила со коронавирус во септември, нејзината внука не се плашела најмногу дека вирусот би можел да ја убие, туку дека таа ќе заврши сама на одделот за интензивна нега.
Внуката претпоставува дека нејзината баба се заразила со Ковид-19 на прославата на 99-от роденден на 16 септември, кога семејството се собрало и прославувало на терасата во семејниот стан.
Мартин почнала да се чувствува слабо и истоштено. Изложеноста на контаминирано масло од репка во младоста ѝ оставило долгорочни здравствени проблеми и ја зголемило нејзината подложност на респираторни компликации од вирусот.
Сепак, Флорентина имала само благи симптоми и закрепнувала во рамки на својот дом во Мадрид, со помош на нејзиното семејство, негувателката Олга Арауз и верното наглуво куче Луна.
Сега таа повторно ќе може да ги гледа своите омилени претстави и да игра игри на таблет.
Со над еден милион случаи, Шпанија има најголем број на заразени лица со коронавирус во Западна Европа. Повеќе од 34.000 луѓе починаа како последица од Ковид-19 во земјата, од кои повеќето биле постари од 80 години.Во светот имаше бројни примери на луѓе кои се близу 100 години и сепак го преживејаа вирусот.