ГО СКРШИЛЕ ПРОЗОРОТ ОД ВОЗИЛОТО, МУ ИСПРСКАЛЕ СОЛЗАВЕЦ И ГО УДИРАЛЕ СО ЧЕКАН: По Навални, напад на неговиот помошник
Објавено во: Свет 13 Март, 2024
Леонид Волков, долгогодишен помошник на починатиот руски опозициски лидер Алексеј Навални, бил нападнат во главниот град на Литванија, Вилнус, изјави поранешната портпаролка на Навални, Кира Јармиш.
„Волков штотуку беше нападнат пред неговата куќа. Некој го скршил прозорецот од автомобилот и му испрскал солзавец во очите, по што напаѓачот почнал да го удира Леонид со чекан“, напиша таа вчера на својот профил на мрежата Х.
Литванската полиција соопшти дека добила дојава дека маж бил претепан пред неговата куќа и дека истрагата е во тек, пренесува Ројтерс.
Голем број членови на Фондацијата за борба против корупцијата на Алексеј Навални, меѓу кои и Волков, пребегнаа во Литванија, пренесува Танјуг.