ГРАДОНАЧАЛНИКОТ НА СТРУМИЦА, КОСТАДИНОВ, НАЈМНОГУ СЕ СРЕЌАВАЛ СО ГРАЃАНИТЕ - што друго покажа мониторингот на HBO

Добивај вести на Viber

Според мониторингот на „НВО Инфоцентарот“ во соработка со партнерските организации, а со поддршка на меѓународниот центар „Олоф Палме“ од Шведска, во рамки на проектот „Активни граѓани и партиципативна демократија на локално ниво“ во првиот квартал од годинава најмногу со граѓаните се среќавал градоначалникот на Струмица, Костадин Костадинов.

Мониторнигот на „НВО Инфоцентарот“ е спроведен во Куманово, Свети Николе, Велес, Струмица, Крива Паланка, Теарце и Дебар за работењето на општините и Маврово – Ростуше во делот на транспарентноста на општините.

Добиените наоди од мониторингот покажале дека градоначалниците во првите четири месеци од годината се среќавале со граѓаните на општинте. Најмногу со граѓаните во првиот квартал од годината се среќавал градоначалникот на Општина Струмица.

Според добиените податоци граѓаните и граѓанските организации многу малку се заинтересирани да присуствуваат на седниците на советите на општините. На пример, во општина Струмица и општина Маврово и Ростуше на седниците на советот на општината не присуствувал ниеден граѓанин. Во Свети Николе, пак, граѓани присуствувале само на една седница, на која се расправало за дислокација на депонија.

Секоја општина има различен број комисии. Во Општина Куманово нивниот број е 14.

Во Општина Теарце има Комисија за подароци и благодарност, а во Маврово – Ростуше има комисија за унапредување на правата на пациентите.

Во однос на родовиот баланс, во советите на општините Крива Паланка, Куманово и Свети Николе процентот на жени е над 40 отсто. Жени ги предводат советите во четири од седум општини.