ГРЧКО МНР: Хан да престане да дава погрешна слика за преговорите
Објавено во: Македонија 24 Април, 2018
Грчкото Министерство за надворешни работи (МНР), попладнево со соопштение реагираше на изјавата на еврокомесарот, Јоханес Хан повикувајќи го да престане да дава погрешна слика за преговорите.
Велат дека како што се покажа, тој преговорите не ги разбира. Најмалку што може да направи е да престане да ги поткопува, соопштуваат од МНР на Грција, јави дописничката на МИА од Атина.
Хан претходно во текот на денот изјави дека за две недели може да се реши името, но ова го негираше премиерот Зоран Заев кој кажа дека толку брзо името не може да се реши.