ГРЕЕЊЕТО СТАНУВА ЛУКСУЗ - голем проблем низ цела Европа, милиони луѓе се смрзнуваат, немаат пари да платат

Добивај вести на Viber

Луѓето низ цела Европа се жалат на растечките трошоци за греење и немаат доволно пари да платат за соодветно греење на своите домови. Проблемот е најизразен во Бугарија и Грција.

Речиси еден од десет луѓе во Европската Унија изјавил дека нема доволно финансиски средства за соодветно греење на своите домови. Овој проблем е најизразен во Бугарија и Грција, додека е најмалку присутен во Финска.

Во Германија, најголемата економија во Европа, повеќе од пет милиони луѓе минатата година изјавиле дека не можат соодветно да ги загреат своите домови.

Сепак, тие 5,3 милиони, или 6,3 проценти од населението, претставуваат подобрување во споредба со 2023 година, кога 8,3 проценти од жителите изјавиле дека немаат пари за греење, според Германскиот федерален завод за статистика.

Ова ја става Германија под просекот на Европската Унија во однос на финансиските можности за греење. Просекот во ЕУ е 9,2 проценти, што е исто така пониско од 2023 година, кога просекот беше 10,6 проценти.

Нашите соседи се земји кои се на самото дно, или земји каде има најголеми проблеми со затоплувањето, пренесуваат медиумите. 

Имено, голем број жители на Бугарија и Грција во 2024 година изјавиле дека не можат соодветно да ги загреат своите домови. Во обете земји, речиси секој петти жител (по 19 проценти) изјавил дека го имал овој проблем. 

Во слична состојба се и жителите на Литванија, каде дури 18 проценти од населението изјавило дека има финансиски проблеми и не се во можност целосно да ги затоплат своите домови.