Груевски му одговори на Талат Џафери со статус на Фејсбук
Објавено во: Македонија 26 Мај, 2018
При дводневниот престој во Србија, во интервју за српската Н1 телевизија претседателот на Собранието, Талат Џафери одговори дека нема ништо лично против екс-премиерот и дека Никола Груевски во моментов се наоѓа во психолошка криза, како последица на судските спорови кои се водат против него.
Го прашаа Џафери за конфликтот со Груевски и тоа што за малку ќе имаше инцидент меѓу нив двајца во Собранието.
„Доколку се земе предвид дека против него се водат судски постапки за кривични дела и дека функцијата „претседател на партија“ му ја отстапи на друго лице на вонредниот Конгрес, сметам дека тоа е личен одраз на криза во даден момент, кога тој не можеше да се контролира“- вели Џафери.
Веднаш реагираше и Груевски преку статус на Фејсбук“, во кој пишува дека воопшто не се лути на изјавите на Џафери.
„Читам Талат изјавил дека сум бил во психолошка криза. Познавајќи го, секогаш кога некој ден нема доволно да се дезинфицира, добива апстиненцијална криза и вака се однесува. Не му се лутам. Не е за лутење“- напиша Груевски на „фесјбук“.
Груевски деновиве со јавноста комуницира преку фан страната на Фејсбук.