Добивај вести на Viber
Досега ниту еден субјект нема пријавено некакви загуби од трговската блокада што ја наметна Косово.
Ова го истакна премиерот Никола Груевски одговарајќи на пратеничко прашање кое му го постави пратеникот Оливер Спасовски од СДСМ на денешната собраниска седница посветена на пратенички прашања.
- Сепак, се работеше за еден релативно кус период на сите овие случувања, така што засега немам податоци од некоја страна дека биле пријавени некакви загуби за да можам да ви одговорам колкави биле. Вчера имав прилика да бидам во разговор со поголем број стопанственици по моето обраќање и немаше некој што отвори такво прашање дека има некакви загуби, рече премиерот Груевски.