Добивај вести на Viber
Владин тим предводен од премиерот Никола Груевски, од 23 до 28 месецов ќе замине на роуд шоу во САД.
Според агендата, премиерот ќе се обрати на бизнис форуми во градовите Принстон, Чикаго и во Бостон, каде што пред претставници на американски компании ќе бидат презентирани можностите за инвестиции во Македонија и поволностите кои нашата земја ги нуди за странските инвеститори.
Владиниот тим треба да оствари и повеќе поединечни средби со претставници и менаџерски тимови на американски компании кои се потенцијални инвеститори во нашата земја, како и со други субјекти од САД кои учествуваат во сферата на економијата.
На ова роуд шоу, премиерот го придружуваат министерот за финансии Зоран Ставрески, министрите за привлекување странски инвестиции Веле Самак и Џери Наумоф, директорот на Агенцијата за странски инвестиции и промоција на извозот, Висар Фида и директорот на Дирекцијата за технолошко индустриски развојни зони Виктор Мизо, како и владиниот портпарол Александар Ѓорѓиев.