Хаџиевска го брани Лешоски - Здодевно е на Струшките вечери, само баби и дедовци
Објавено во: Македонија 13 Август, 2017
Назначувањето на Фејсбук поетот Дарко Лешоски за претседател на Управниот одбор на Струшките вечери на поезијата предизвика негативни реакции бидејќи многумина не се согласуваат со овој нелогичен избор, но во негова одбрана застана Иванна Хаџиевска која е шеф на протокол на Зоран Заев и дел од СДСМ.
- Одеднаш многу се заинтересиравте за Струшките вечери на поезијата! А знаете ли за каква манифестација станува збор? Сте биле ли некогаш? Сте слушнале за директорот или прво да го разрешите претседателот на управниот одбор, уште не седнат?!
Стружанка сум, од дете ме носат на Струшките вечери на поезијата, пораснав таму, играа важен дел во градењето на мојата личност... кога родителите ме прашаа зошто повеќе не сакам да одам, бев искрена: Здодевно е, се' баби и дедовци... и така 15-6 години.
Годинава ќе одам, со гордост, оти ќе зрачи со нова енергија, со младост, со убавина, оти Дарко е стружанец, дете од угледно семејство, а тоа многу ни значи нам стружаните, да ти е мерак да го гледаш, да го слушаш и да го читаш... оти Дарко ме натера да читам, да сакам поезија, да знам да ја доживеам, да ме допре длабоко, пишува Хаџиевска во својот пост на Фејсбук.