Хан ја заврши првата денешна средба со Димитриев-Кој е исходот?

Добивај вести на Viber

Еврокомесарот Хан средбите ги стартуваше со претседателот на Владата Емили Димитриев.

И двајцата ги поздравиле спроведените парламентарни избори оценувајќи ги како фер, кредибилни и демократски. 

Разговарале и истакнале свои мислења и видувања за разни аспекти на актуелната политичка ситуација. 

Беа акцентирани реформите кои се потребни за унапредување на стандардите во сите општествени сфери и беше изразена посветеност кон продолжување на соработката во нивното спроведување.

Димитриев истакнал дека Владата во рамките на своите ингеренции е посветена кон реализација на сите потребни активности за водење на земјата и реализација на стратешките цели за европска и евроатланска интеграција. 

Тој истакнал дека изјавите и постапките на определени политичари од соседните земји кои предизвикуваат негативни чувства кај граѓаните на Република Македонија не се во функција на унапредување на добрососедските односи додавајќи дека нашата земја ќе продолжи со спроведување на политики кои значат соработка со сите заинтересирани страни во регионот во сфери кои се од заеднички интерес.

Хан истакнал дека Европската унија го почитува интегритетот на Македонија  и нашата европска иднина. Соговорниците истакнаа дека е битно да се почитува сувереноста во одлучувањето за прашањата од државен и национален карактер.