Холандија се соочува со лоша економска состојба

Добивај вести на Viber

Потфрлија проценките за холандската економија, земјата е во полоша состојба отколку што се очекуваше, соопшти Централната банка на земјата, пренесува Reuters. Според шестмесечниот извештај економијата се очекува да се намали за 0,6% во однос на растот од очекуваните порано 0,6%. Се очекува растот да се врати во 2014 година со пораст од 1%, што сепак е намалување во однос на претходната прогноза за зголемување од 1,2%. Според експертите на централната банка дефицитот ќе се намали до 3,5% од БДП во 2013 година во однос на нивото од 4,1% оваа година. Нивото на дефицитот, според новата прогноза, останува над прогласената од ЕУ граница од 3% и е зголемена во однос на претходните очекувања за дефицит од 2,9%. Холандија e петтата по големина економија во еврозоната, но иако е дел од “јадрото” на монетарната унија, има проблеми со падот во цените на куќите, падот во градежништвото, намалувањето на потрошувачката и инвестициите, владините мерки за штедење, намалување на извозот и должничката криза во еврозоната. Во третиот квартал на 2012 година холандската економија се намали за 1,1% во однос на претходната квартал, а според податоците на Еуростат од ноември невработеноста во земјата се зголеми до 15-годишен максимум, пренесува economy news.