ХОРОР: Огромен пожар во Валенсија, четири лица загинаа - зградата била обложена со запалив материјал (ВИДЕО)
Објавено во: Свет 23 Февруари, 2024
Најмалку четири лица загинаа во пожар што зафати зграда во областа Кампанар во Валенсија, потврди заменик директорот за итни случаи Хорхе Суарез.
Се трага по уште 19 исчезнати лица кои според нивните блиски се уште не се лоцирани. Пожар од големи размери зафатил две големи згради во кои живеат околу 450 жители, иако, нагласуваат локалните власти, таа бројка може да варира, пишува Ел Паис.
За само половина час пламените јазици ја зафатиле целата зграда, која била завршена во 2008 година.
24 people are feared dead after an apartment complex caught fire in Valencia, Spain.
— Oli London (@OliLondonTV) February 23, 2024
Some residents were forced to jump off their balconies to escape the inferno that engulfed the 14 floor high apartments.
pic.twitter.com/Ui9tHZwQdQ
Пламенот со огромна брзина се проширил на алуминиумските панели на фасадата, кои се обложени со полиуретан, силно запалив материјал, што го потврдила и Естер Пучадес од Технолошко-техничкиот факултет, која извршила вештачење во истиот објект. За ширење на пожарот придонесе силниот ветер.
Heavy fire in a residential tower in Valencia, Spain pic.twitter.com/kno59GiLRE
— S p r i n t e r (@Sprinter99800) February 23, 2024
Тој материјал е легален, но повеќе не се користи во оваа ера по трагедијата во Лондон кога изгоре зградата Гренфел Тауер каде што животот го загубија 72 лица.
Фото: Принтскрин/Твитер