ХОРОР ВО ИНДИЈА - ПОЖАР НА ИНТЕНЗИВНА НЕГА: 10 новороденчиња го загубија животот, 16 се повредени (ВИДЕО)

Добивај вести на Viber

10 бебиња загинаа, а 16 се повредени во пожар на одделот за неонатална интензивна нега во болница во северна Индија, соопштија денеска локалните власти.

Пожарот се случил во петокот вечерта во болница во градот Џанси, во сојузната држава Утар Прадеш, пренесува „Си-Ен-Ен“.

Официјални лица изјавија дека пожарот брзо се проширил низ одделението каде што се лекуваат 55 бебиња.

- Четириесет и пет бебиња се спасени и добиваат медицинска помош, изјави локалниот функционер Бимал Кумар Дубеј и потврди дека се уште не е јасно што го предизвикало пожарот.

 Брајеш Патак, вицепремиер на Утар Прадеш денеска ја посети болницата, се сретна со семејствата на жртвите, вети поддршка од владата на семејствата на жртвите и темелна истрага.

- Ќе ги идентификуваме одговорните за оваа трагедија и ќе преземеме строги мерки. Владата е со семејствата во овој тежок момент, рече тој.

Кога пожарникарите пристигнале да го изгаснат пожарот, морале да ги скршат прозорците за да дојдат до доенчињата, а очевидци велат дека спасувачката операција започнала околу 30 минути по избувнувањето на пожарот, што ја забавило евакуацијата.

Фото: Принтскрин/Јутуб