28 Март, 2024
0.0293

ХУМАНОСТA НА ДЕЛО: Колку облека донираат скопјани на годишно ниво?

Објавено во: Македонија 09 Октомври, 2018

Добивај вести на Viber

Во Црвен крст на град Скопје на годишно ниво се собираат околу 20 тони облека, а со отварањето на продавницата за половна облека „Копче“, количината на донирана облека се зголеми за речиси 50%, и во последната година изнесува околу 30 тони, вели Александра Боева од Црвен Крст на град Скопје.

Генералната слика е дека има граѓани кои редовно донираат облека и имаат високо развиена свест за овој хуман гест. Меѓу донаторите има и нови луѓе кои досега не донирале, но сега почнуваат својата облека да ја подаруваат.

Боева додава дека во однос на донирањето на облека подеднаков е интересот и кај машката популација и кај женската, со тоа што најчесто жените се оние кои се интересираат за начинот на донирање, а мажите оние кои ја дистрибуираат спакуваната облека.

„Она што радува е  фактот дека младите се исклучително заинтересирани за селекција и донација на својата облека. Една од нашите цели е токму да ја развиеме свеста кај младите, да донираат здрава и сочувана облека и да влијаеме врз навиките за одговорно донирање, но и одговорно трошење. По отворањето на продавницата „Копче“, во процесот на собирање облека се вклучија и повеќе компании и организации во кои се поставени посебни кутии за донирање на облека. Често пати организациите прават свои акции и истите ги дистрибуираат до продавницата“- раскажува Боева.

Таа објаснува дека граѓаните имаат можност облеката да ја донираат на неколку локации во градот Скопје и тоа во 9  контејнери за облека, кои се поставени на неколку локации во градот Скопје. Во нив може да се донира облека 24/7, која се препорачува да е добро спакувана пред да се стави во контејнерот. Во продавницата „Копче“, на булеварот Кочо Рацин бр.11 во работно време од 09-17 часот од понеделник до петок, и сабота од 09-14 часот и во магацинот во Момин Поток, секој работен ден од 08-16 часот.

Понатаму, оваа облека ја добиваат семејствата на кои им е потребна.

„Селекцијата на облека се прави во неколку фази. Прво, се прави генерална селекција во нашиот магацин каде се одделува она што е здраво и добро сочувано, а се фрла она што, за жал, граѓаните го донирале, но е комплетно неупотребливо. Втората селекција се прави согласно потребите кои ги имаме на ранливите групи. На пример машката облека која се бара во Пунктот за бездомници се одделува за таму или пак за друга поголема целна група за која веќе имаме барање. Останатото се носи во малиот магацин за уште една детална селекција, а потоа сè што е потребно се пере и  пегла. Оттука, се одделува облека и за продавницата „Копче“ и за Пунктот за облека. Едната количина оди за продажба, а другата количина оди за бесплатно делење со ваучер. Ваучер може да добијат само ранливи групи како што се: бездомниците, болните лица, лица со попреченост, мигранти и бегалци, опожарени лица, поплавени лица итн. Секој кој е ранлив прво е потребно да разговара со социјален работник во Црвениот крст на град Скопје кога се прави проценка на неговата состојба и потребата од тоа кој тип на облека му е потребна. Оваа година за прв пат преку продавницата за половна облека „Копче“, секој граѓанин има можност да купи половна, но и нова облека по пристапни цени. Целта е да придонесеме во создавањето на еко-општество на одговорни граѓани со добри навики, каде секој го вреднува она што го добива и секој придонесува во заедницата во која живее. Преку продажбата на облеката ја поддржуваме и поттикнуваме работната интеграција на социјално загрозени категории на граѓани“- вели Боева.


Сепак, апелира дека кај граѓаните треба да се развие свеста и да донираат само облека која е сочувана и може да се користи.

Граѓаните велат дека вишокот облека која е употреблива треба да се подарува наместо да се фрла. 

Неколку пати годишно донирам облека во просториите на Црвениот Крст. Обично се тоа по неколку кошули, панталони, блузи, маици, кои веќе не ми требаат. Сметам дека има луѓе кои многу почесто од мене купуваат нова облека, и секако дека можат да ја донираат постарата“ - вели девојка која донира. 

Во зимските денови кои наближуваат на ранливите категории ќе им биде потребна топла облека која не секој може да си дозволи да ја купи. 

Сања Атанасовска

Можеби ќе ве интересира

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење