ХУТИТЕ ЖЕСТОКО УДРИЈА НА АМЕРИКАНСКИ БРОД, УБИЕНИ ДВАЈЦА МОРНАРИ: „Црвеното море е крваво, ќе следи жесток одговор“

Добивај вести на Viber

Двајца членови на екипажот беа убиени во ракетен напад на јеменските бунтовници Хути, кои нападнаа товарен брод во близина на јужниот дел на Јемен, соопштија американските власти - што ги означи првите смртни случаи предизвикани од нападите на групата врз трговските бродови, пишува BBC.

Хутите ја презедоа одговорноста за нападот во кој беше запален грчкиот брод „True Confidence“ под знамето на Барбадос на околу 50 наутички милји од пристанишниот град Аден во Јемен.

- Најмалку двајца невини морнари загинаа. Ова е жално, ова е неизбежна последица од непромисленото лансирање на ракети од страна на Хутите кон меѓународниот брод. Мора да престанат – се вели во соопштението на британската амбасада.

Дел од поддршката за Палестина

Хутите напаѓаат бродови во Црвеното Море, тврдејќи дека тоа го прават во знак на солидарност со Палестинците за време на војната во Газа.

Шест членови на екипажот исто така се повредени, изјави американски официјален претставник. Поморските трговски операции на Обединетото Кралство (УКМТО) соопштија дека True Confidence бил погоден и претрпел штета, и дека поморските бродови од меѓународната поморска коалиција предводена од САД го поддржуваат бродот и неговиот екипаж.

Центарот за поморска безбедност (MSCHOA), исто така, соопшти дека спасувачките операции се во тек.

Портпаролот на управителот на бродот изјави дека нема информации за состојбата на екипажот на бродот од 20 морнари и тројца вооружени чувари, меѓу кои еден индиски, четворица виетнамски и 15 филипински државјани. На бродот имало и тројца вооружени чувари - двајца од Шри Ланка и еден од Непал.