ИГМ на Гечев продава капитал од Макошпед

Добивај вести на Viber

Уготур го зголемува капиталот во Макошпед, а ИГМ Трејд на Илија Гечев продава акции во компанијата. Друштвото денеска извести дека Уготур АД сега поседува вкупно 18,9 отсто, а дека компанијата Игм Трејд Илија и др. ДОО го намалила своето учество и вкупно поседува 12,93 проценти од основната главнина на друштвото.

Веста дека Илија Гечев прегу ИГМ купува капитал во Макошпед во февруари 2019 година ја размрда инвеститорската јавност. Тогаш ИГМ Трејд вложи 413.000 евра и купи 16,6 отсто од акциите со право на глас во шпедицијата Макошпед. Овој капитал претходно го поседуваше скопската компанија Ултимус која тогаш по продажбата, повеќе не беше акционер во структурата на шпедитерската компанија.

За јавноста остана дилемата зошто Гечев купуваше акции во Макошпед. Тој е еден од најпознатите бизнисмени во државава и е еден од најбогатите.

ИГМ трејд постои од 1994 година и е една од најголемите извозни компании во Македонија. Станува збор за еден од најголемите производители на челични и заварени цевки и профили во Југоистична Европа. Фабриката во Кавадарци е на површина од 400.000 квадратни метри, а има капацитет од 200.000 тони годишно.

Досие Гечев

А.Т.