Играорецот од Самоиловата тврдина експресно ја плати казната од 1.100 евра

Добивај вести на Viber

Играорецот кој беше прогласен за Персона нон грата откако го постави албанското знаме на Самуиловата тврдина во Охрид, експресно ја платил казната од 1.100 евра за да биде пуштен на слобода. Според локаните охридски медиуми, полицијата имала намера да го задржи се додека не ја плати паричната казна, а неговиот адвокат за „Алсат“ потврди дека потребната сума била исплатена до судот за кратко време по што тој веднаш ја напуштил Македонија во придружба на членови на МВР.

Судија на претходна постапка при Основен суд Охрид,изврши сослушување на  две лица приведени од страна на СВР Охрид,за вчерашниот инцидент, На играорецот Ѓерг Прекоцај,роден 1969 година во Косово, а со место на живеење во Лозана- Швајцарија , осуден е на глоба од 1.100 евра , истиот е прогласен за персона нон грата и доби забрана за влез во РСМ во времетраење од пет години.

Фолклорно играорна група вчераутро го постави знамето на Албанија на Самоиловата тврдина во Охрид. Играорците сакале да направат перформанс и истото да го снимат на видео, а проблемот настанал кога било поставено знамето. Според медиумите на албански јазик, групата ја сочинувале т.н. Арбераши, односно Албанци кои живеат на југот од Италија, додека други објавија дека биле со потекло од Косово.

Претседателот на Собранието, Талат Џафери, синоќа во емисијата „Клик Плус“ на ТВ21 рече дека поставувачите на албанското знаме во Охрид се културно уметнички работници и поради тоа казната требало да биде поблага.

Од Алијансата за Албанците сметаат дека истакнувањето на албанското национално знаме не било насочено како провокација против никого и дека тоа не претставува ниту законски прекршок ниту опасност за никого.