Има договор меѓу Скопје и Приштина!

Добивај вести на Viber

Приштина и Скопје постигнаа договор за надминување на трговската криза и слободно движење меѓу двете земји. Како што пренесува А1он, онлајн-изданието на приштинскиот весник „Експрес“ објави дека има потврда за договорот. „Потврда за ова доаѓа од кабинетот на потпретседателот на косовската влада, Харедин Кучи, кој денеска имал интенизвни консулатаиции и комуникации со официјално Скопје за да се најде решение во врска со ембаргото од косовска страна за производите од Македонија, а од друга страна да се укине влезната такса за граѓаните на Косово, која се применуваше како противодговор од македонска страна“, пишува весникот „Експрес“. Според Дритан Лајчи, советник на Кучи, класичен договор засега нема, но има согласност дека ќе се врати состојбата каква што беше пред донесувањето на одлуките за ембарго од косовска и за влезна виза од македонска страна. „Договор во класична форма нема, туку договор за враќање на состојбата како порано, како што беше пред блокадата“, изјавил Лајчи. Според него, доколку оди се како што е планирано подоцна двете влади ќе излезат со официјални соопштенија.