ИМА УПАТСТВО: Како да се стане џихадист во Ирак и Сирија?

Добивај вести на Viber

За да регрутираат колку што е можно повеќе Британци кои сакаат да станат џихадисти, милитантите од екстремната организација Исламска држава на Ирак и Левент им нудат организирано патување до Блискиот Исток со совети како е најдобро да патуваат. Според британските медиуми, екстремистите од Велика Британија кои веќе биле во овие кризни жаришта преку социјалните мрежи ги поттикнуваат и останатите да го направат истото, па дури и им нудат „туристички водич за екстремисти“. Ги советуваат да патуваат со колку е можно помалку багаж и да понесат смартфон за пристап до интернет, но и да ги остават религиските книги дома за да не бидат сомнителни на аеродром. Кога ќе стигнат на целта - се ќе им биде осигурано: и храна и место за престој. Детали од овие совети се појавија во јавност откако британскиот премиер Дејвид Камерон истакна дека ќе биде неопоходна интервенција во Ирак, бидејќи ирачките милитанти „планираат напади и на територијата на Велика Британија“. Исламистите нагласуваат дека се потребни визи за оние кои имаат намера да одат во Сирија преку Турција, даваат совети како да се заменат парите, каков полнач и адаптер да се понесе за мобилниот телефон. Џихадист од Велика Британија, кој се претставува со името Абу Абдула ал-Британи, на интернет страницата Аск.фм отворено дели совети на сите оние кои сакаат воено да се ангажираат на Блискиот Исток. Оваа социјална мрежа е регистрирана во Летонија и има 40 милиони корисници во целиот свет, од кои најголемиот дел се тинејџери.