ИНТЕРВЈУТО НА ТАКЕР И ПУТИН Е ТОП ТЕМА: Експерт за говор на тело открива какви пораки испрати рускиот претседател

Добивај вести на Viber

Топ тема е интервјуто на рускиот претседател Владимир Путин со американскиот новинар, Такер Карлсон.

Експертот за говор на телото, Џуди Џејмс за американското издание на „Дејли експрес“ изјави дека рускиот претседател во неколку наврати за време на интервјуто со американскиот новинар го истакнал својот авторитет.

„Во текот на разговорот Путин во неколку наврати ги подигна двата показалци, што е акцент на авторитетот и моќта“, вели Џејмс.

Експертот забележала дека држењето на Путин се променило за време на разговорот од изразување на задоволство во сериозност, додека се приближувал кон крајот на интервјуто. Џејмс особено го истакна неговиот гест кога гордо зборува за хиперсоничните системи и руските технолошки достигнувања.

„Имаше моменти во кои Путин уживаше. Тоа го гледаме од позицијата на неговото торзо кое се прошири додека зборуваше за руски хиперсонични ракети кои се помоќни од сите други“, тврди Џејмс.

Таа го спореди говорот на телото на Путин со реакцијата на Такер Карлсон. Новинарот на почетокот изгледал опуштено, но постепено станал сериозен додека Путин ја продолжувал својата презентација. Рано, забележува Џејмс, рускиот претседател го поставил тонот на разговорот, прашувајќи го Карлсон дали сака сериозно да разговараат или сака „ток-шоу“. Ова ја постави основата за рестриктивниот тон на разговорот што следеше. Путин потоа ја презеде контролата врз разговорот со презентирање на историски наратив за Русија и Украина, додека Такер Карлсон главно слушаше без да интервенира.