Истражување: Прочитајте дали сте зависник од Фејсбук!

Добивај вести на Viber

Секогаш кога некој корисник на Фејсбук се логира, забележува премногу нови фотографии, нови статуси, некои интересни дофрлувања меѓу неговите пријатели. Сте се нашле ли во ситуација да си помислите дека очигледно само вам ништо не ви се случува, додека вашите пријатели го живеат животот, излегуваат, се сликаат и се забавуваат?

Не верувајте во очигледното. Според истражувања на Стенфорд Универзитетот, постои одредена група на луѓе кои константно ги занемаруваат негативните емоции кај другите, а ги преценуваат позитивните. Овие погрешни процени се штетни за сопствената слика на човекот кој во такви моменти се депримира и потценува, сметајќи дека неговиот живот е здодевен и невозбудлив, па често заклучува дека проблемот е сигурно во него.

Истражувањето се состоело од 5 експерименти во кои било анализирано како студентите ги доживуваат сопствените искуства во споредба со оние на нивните пријатели. Иако истражувањето не го истражувало конкретно прикажувањето на животот на Фејсбук, резултатите покажале дека токму оттаму настануваат сите проблеми, бидејќи во оваа компјутерска ера се за животите на луѓето дознаваме токму оттаму.

Имено, студентите се повикувале на Фејсбук статуси и Фејсбук слики и така се споредувале со нивните пријатели, депримирајќи се поради тоа што сметале дека останатите имаат поинтересен живот од нивниот. Штета, не се сетиле дека огромен процент од Фејсбук корисниците ги оставаат фотографиите и статусите со намера да интригираат, се смеат со сила, измислуваат неверојатни доживувања и луди забави и излегувања, а во суштина 90% од нив лажат и седат офлајн  чекајќи коментари од останатите.

Кога ќе почувствувате ваква Фејсбук завист, сетете се и на следново: ако на некој му е толку забавно на излегувањето и не му недостига апсолутно ништо, нема да се вклучува на интернет од мобилниот и од сред дискотека да додава слики на својот профил!!!