Италија го продава најстрашниот остров на светот!

Добивај вести на Viber

Најстрашниот остров на светот, Повеља сега е на продажба. Со години на туристите им беше забранет пристап на островот во венецијанската лагуна, а сега токму вие можете да станете негов сопственик. Италијанската влада донесе одлука за продажба на Повеља за да го исплати јавниот долг. Островот Повеља за својата страшна репутација може да им се заблагодари на јамите во кое италијанците во добата на епидемијата на чума таму ги фрлале лешевите, но и болните кои се уште били живи. Овде ги копале, спалувале или оставел да изгнијат. Неколку векови подоцна, пореметен лекар на островот изградил болница за ментално болни лица, каде ги мачел и на нив вежбал лоботомија. Како што зборува легендата, лекарот го прогонувале духови, поради што полудел и се фрлил од кулата на врвот од болницата. Денес острово е ненаселен, но на посетителите не им е дозволен пристап рушевини од болницата, цркви и крематориумот се уште постојат. Истражувачите на паранормални активности тврдат дека на овој остров има изразено висока активност. Најпозната жртва на чумата била Марија, која за време на епидемијата била одвоена од своите родители, а нејзиниот дух наводно и ден денес стои на брегот на островот и плаче по родниот град Маламоко на другиот крај од лагуната. Се проценува дека во 16 век околу 100.000 жители на Венеција умреле на Повеља. Сите жители со симтоми на чума биле испраќани на островот каде биле закопувани и спалувани. Велат дека тлото на островот е мешавина од човечка пепел и коски. Жителите на Венеција имаат силно суеверие во однос на злобниот остров и на него гледаат како на чистилште за зли духови. Велат дека кога злобен човек ќе загине, се буди на Повеља. Островот за првпат е пронајден во 421-та година по нашата ера, кога луѓето од Падуа и Есте оделе таму за да се сокријат од нападите на варварите. Во 9-от век, островот станува значително населен, но сепак домородците не биле оние кои го направиле познат по паранормалните и мрачни активности. Овој остров бил важно стратешко место за Италијанците. Во 1379-та, во војната помеѓу Серенисима и Џеноа, најмногу придобивки потекнале токму од овој остров, па затоа владата решила островјаните да ги пресели на друг остров, а Повеља да го претвори во тврдина, наречена Октагон. Оттука почнува страшната и мрачна историја на овој остров. Според една легенда, вештерка која носела потекло од првите населеници на островот, од 5-от век,  го проколнала островот, посакувајќи тој никогаш повеќе да не биде населен. Во 16-от век, калуѓерите од Камалдоли не сакале да се вселат во тврдината, и во наредните 100 години островот останал ненаселен. Државата потоа им понудила на потомците на домородците да се вратат на островот и повторно да изградат свои домови, но тие одбиле, можеби поради клетвата која била фрлена врз оние кои повторно ќе се населеле на проколнатиот остров. Повеља е попознат и како „забранетиот остров“.           К.К.