Иванов-Туск: Македонија ги презема сите мерки за заштита на државните граници
Република Македонија ги презема сите мерки и активности за заштита на државните граници, изјави македонскиот претседател, Ѓорѓе Иванов во Њујорк на средба со претседателот на Европскиот совет, Доналд Туск.
Објавено во: Македонија 20 Септември, 2016
Тие разговараа за евроинтеграцијата на Македонија, но и за предизвиците коишто произлегуваат од мигрантската и бегалска криза, особено безбедносниот аспект.
Иванов кажа дека Република Македонија ќе го продолжи реформскиот процес, со цел достигнување на европските стандарди и критериуми и ќе продолжи да придонесува за регионалната соработка, во одржувањето на стабилноста и просперитетот на регионот на Југоисточна Европа.
„И покрај предизвиците со кои се соочува унијата, како и самиот процес на проширување, на Република Македонија како и на целиот регион на Југоисточна Европа им е потребна забрзана интеграција во Европската унија, затоа што тоа е најдобриот начин за целосно консолидирање на регионот, со што пак, ќе се консолидира и Европската унија" - вели Иванов.
Во контекст на предизвиците поврзани со мигрантската и бегалската криза, претседателот Иванов потенцираше дека Република Македонија се залага за сеопшто европско решение, што ќе опфаќа заеднички критериуми за справување со мигрантската криза. Заклучија дека е потребна итна координирана и синхронизирана акција на сите засегнати држави.
Иванов нагласи дека земјата ја има в предвид и обврската за хуман третман на бегалците.
Можеби ќе ве интересира
ДИШЕМЕ ТОКСИЧЕН ВОЗДУХ, НАСЕКАДЕ ИМА ДЕПОНИИ: Што е со храната која се произведува на наше тло?
ДОАЃА РАЗВЕДРУВАЊЕ НА ВРЕМЕТО, А ПО 20 ЈАНУАРИ, НОВ СЕВЕРЕН СТУД: Еве ја прогнозата на Попоски
ОСМАНИ ЗАМИНА ВО ИСТАНБУЛ: Таму ќе биде дел од најнапредните центри на лапароскопска и роботска абдоминална хирургија
ЈАВНОСТА НЕ МОЖЕ ДА ИМА ДОВЕРБА ДЕКА И ПОНАТАМУ НЕ СЕ ПРИСЛУШУВА: Калајџиев за пресудата во која Јанкулоска беше ослободена од вина
ФАКТОР НА ДЕНОТ: Македонија 20 години е во чекалната на ЕУ, Муцунски очекува крупни чекори годинава
ВЕВЧАНЦИ: Се работи за популарните зомби по филмовите и немаат никаква поврзаност со Зијадин Села
МУЦУНСКИ: Oдбележуваме еден многу неславен јубилеј, 20 години од стекнување на кандидатскиот статус
НЕ СПОДЕЛУВАЈТЕ ЛИЧНИ ПОДАТОЦИ: Креиран е лажен профил со податоци на Венко Филипче
Државен завод за ревизија: Имаме 100 скривници, ДЗС ги има запуштено
