Ивановска: Антикорупционерката Ристовска да си поднесе оставка по скандалозната одлука за Христовски
Објавено во: Македонија 29 Декември, 2024
Билјана Ивановска, претседателката на претходниот состав на Државната комисија за спречување на корупција, побара од членот Цвета Ристовска да си поднесе оставка. Таа го работеше случајот со дипломата на директорот на Агенцијата за национална безбедност, Бојан Христовски, по што беше објавено дека Ристовска соработувала со факултеот од каде што шефот на тајната полиција има диплома.
ДКСК тврдеше дека Ристовска не е дел од наставниот кадар на приватниот Универзитет за туризам и менаџмент „Скопје“, но дека сепак имала соработка на ниво на гостин-предавач.
- Апсолутно да, тоа не смеело да се дозволи. Требало да биде изземена веднаш, затоа што имала деловни односи со факултетот, без оглед дали е паричен надомест или не. Штом веќе имала деловен однос, тоа претставува ризик за одлучување. Следниот ден беше избришана од наставниот кадар на веб-страната на факултеот, па додадена и ова пиши-бриши ја повредува интелигенцијата на граѓаните, рече Ивановска, која додаде дека во нејзино време членовите веднаш би се изземале самите себеси при ваква ситуација.
За Ивановска се сомнителни и другите аспекти од одлуката на „Антикорупциска“ да се изземе од другите спорни моменти при изборот на Христовски.
- Сертификатот за англиски јазик е прогласен за валиден додека не се докаже спротивното, а спротивното е веќе докажано. За дипломата на факултетот, инспекторот кажал дека е во ред - не може само да се основате на работата на инспекторот, треба да се направи и свое истражување за поткрепување.
За работното искуство, не разбра јавноста каде и колку работел. За безбедносниот сертификат - неговите подредени во моментов (во АНБ) не може да кажат не. Не знам дека некој таков случај кој добил за 10 дена безбедносен сертификат. За тоа е најмалку потребно половина година.
Овој член да си даде оставка и да биде разрешен од Собранието. Оваа цела работа треба да ја преиспита Обвинителство според мене, додаде Ивановска.
Можеби ќе ве интересира
СКОПЈЕ, КУМАНОВО, КИЧЕВО: Каде во Македонија утрово воздухот е најзагаден?
ЗА БАДНИК СЕ КРШИ ЛЕПЧЕ: Што треба да направите ако ви се падне паричката?
„ЈАКНАТА МИ МИРИСАШЕ НА ОТРОВОТ, А МИРИСАШЕ И КРЗНОТО НА КУЧИЊАТА“ - актерот Тони Михајловски реагира зошто се однесуваме како да не ни пречи загадениот воздух
КЛАСНАТА И ДИРЕКТОРКАТА БАРААТ „СРЕДЕНА“ ФРИЗУРА, КОМИСИЈАТА ЗА ДИСКРИМИНАЦИЈА ГИ ПРЕДУПРЕДИ - ученик бил принуден сам да си го среди опавчето на косата
ЕКС ВИЦЕПРЕМИЕРОТ ВЛАДИМИР ПЕШЕВСКИ СЕ ВРАТИ ВО „СТАРОТО ЈАТО“ - рамо до рамо со видни вмровски функционери на пуштањето во употреба на новиот пат
СО ВОЗИЛОТО КОЕ ИЗЛЕТА ВО ВАРДАР КАЈ РАШЧЕ УПРАВУВАЛА 23-ГОДИШНАТА ДЕВОЈКА Н.А. - причините за несреќата уште се утврдуваат
„СИ ДАДОВ ЗАДАЧА ПАТОТ ДА БИДЕ ГОТОВ ДО КРАЈОТ НА 2024 ГОДИНА, ЗАДОЦНИВМЕ САМО ТРИ ДЕНА“ - директорот на ЈПДП Трајановски за патот од Страцин до Крива Паланка
КУЛТНАТА САЛА РАБОТНИЧКИ ЌЕ БЛЕСНЕ ВО НОВО РУВО - еве како се планира таа да изгледа, и тоа оваа година
„АКО НЕ СИ НАПРАВИЛ НИШТО ПОГРЕШНО, ВРАТИ СЕ И ДОКАЖИ ГО ТОА“ - порака од американската амбасадорка до Артан Груби
