Ивановски во Њујорк, бара Македонците да не плаќаат скап роаминг во ЕУ

Добивај вести на Viber

Скапите роаминг услугите што ги плаќаат македонските граѓани, беше една од темите што Mинистерот за информатичко општество, Иво Ивановски ги отвори во Њујорк, за време на учеството на Осмиот состанок на Комисијата за широкопојасен интернет и дигитален развој. Притоа побарал од потпретседателот на Европската Комисија, еврокомесарот Нели Крос да ја поддржи иницијативата што Македонија ја започна со Србија и Црна Гора за високите цени на роаминг услугите, како и побрзо да се направат неопходните измени на регулативата во Брисел со што македонските граѓани ќе можат да плаќаат исти услуги, како и граѓаните на земјите членки на ЕУ. Како што информираат од кабинетот, Ивановски потпиша Меморандум за разбирање во областа на информатичката технологија за земјоделски услуги, со потпретседателот на корпорацијата Интел, Џон Дејвис што треба да им овозможи на руралните микро претприемачи да им нудат услуги за земјоделците во руралните заедници со користење на компјутерски уреди. Ова треба да донесе три клучни придобивки за земјоделците - намалување на трошоците со поефективна употреба на ѓубрива, намалување на влијанието на хемикалиите врз животната средина и подобрување на приносите, како и поголем приход.