Јужен поток: Има гас за половина век

Добивај вести на Viber

Полето “22” на Гаспром во Сибир, чиј што гас ќе тече во Јужен поток ќе достигне годишно производство од девет милијарди кубни метри гас годишно. Само пробното производство од таму веќе изнесува 1,5 милијарди кубни метри гас годишно. Полето “22” е најсовремен погон за производство на гас во северозападниот дел на Сибир. Нов Уренгој е гасна престолнина на Русија и овде се наоѓа најголемото копнено наоѓалиште на природен гас во светот, единствено поголеми се наоѓалиштата на морското дно во Катар и Иран. Со своите 22 гасни полиња, Нов Уренгој создава помеѓу 30 и 40 отсто од вкупниот профит на рускиот гигант Гаспром. Гасот овде се вади на длабочина од 4.000 метри, каде пристисокот достигнува 600 бари, а температурата е 110 степени. Во Нов Уренгок живеат 54 националности, а градот се наоѓа на околу 60 километри од Поларниот круг, температурата таму се спушта и до минус 50 степени. Градот е основан во 1973. Градот го носи и прекарот – проклето место, како симбол на заобиколувањето од страна на елените поради гасот.