Ќе има ли пари за пензии? Ристовски вели-ДА,Јакимовски вели-НЕ!

Добивај вести на Viber

Трошоците што му се наметнати на Фондот за пензиско и инвалидско осигурување , неминовно ќе доведат до зголемување на дефицитот во Фондот и проблеми во исплатата на пензиите во иднина, смета поранешниот министер за труд и социјала Стевчо Јакимовски . “ Тоа значи дека,  од некои 27 отсто во  2006 - та година (процент на пензии што се намируваа од Буџетот) сега имаме 35 отсто со сериозни индиции дека следната година ќе бидат 40 отсто. Тоа значи, 40 отсто од пензиите се намируваат од Буџетот.  Ако вака продолжи, за некои 12 до 13 години,  Република Македонија ќе треба половина од буџетот да даде за пензии. Тоа е многу сериозен проблем. Или втора варијанта , тогаш ќе мора драстично да се намалат пензиите или пак да дојде до драстично зголемување на покачување на придонесите “, вели Јакимовски. Сепак контра ваквиот тврдење е ставот на актуелениот министер за труд и социјлна политика,  Спиро Ристовски кој вели дека ,  трансферите од централниот Буџетот  во Фондот се планирани и дека нема никаков простор за паника туку тоа е само пуста желба на опозцијата да манипулира со пензионерите . “ И да , точно де ка трансферите од централниот Буџет  во Фондот за ПИОМ растат  од година во година,  но и тоа е контролирано и воопшто не сме доведени во некаква ризична фаза“ , вели Спиро Ристовски . Тој додава и дека во Република Македонија, Фондот за пензиско и инвалидско осигурување е стабилен и веќе долги години наназад пензиите се исплатуваат навреме. “Ние најавивме дека пензиите ќе се исплаќаат првата седмица во месецот без разлика на група и категорија . Така и се исплатуваат. Континуирано провејува приказната дека Фондот оваа година ќе крахира,  па, следната година ќе крахира. Но, тој никако да крахира.  Тоа е само желба на опозицијата и нормално е ги таргетира пензионерите, бидејки во дел од  семејствата пензијата можеби е основен избор на егизтсенција. Во Република Македонија ние немаме проблем со функционирањето на Фондот. Јас, она што го говорев,  го говорев во однос на она што не очекува во следните 20, 30 или 50 години, смета Ристовски.   Исплатата не пензиите за сегашните пензинери, висината на пензиите за идните пензионери, стабилноста на пензискиот систем ќе бидат тема на вечерашната економска емисија на АЛСАТ–М во 18 часот и 25 минути.